« خطاب السلطة المتأرجح | HomePage | بهائي حتي الموت »
14 December 2006
سمكة وبسكلتّة
A woman without a man is like a fish without a bicycle.
Attributed to Gloria Steinem (1934 - )
الراجل لازم يفهم إن الست من غيره فعلا زي السمكة من غير بسكلتّة؛ السمكة مش هتموت من غير بسكلتة.
---------
بعض النساء لا يكادون يتخلصون نسبيا من وصاية الأب والأخ وربما الأم حتي يتناوب عليهن أزواج حمقي.
---------------
قال الزوج: لازم تجيبي من أخوكي توكيل القضايا اللي معاه عشان نلغيه.
فقال الأخ: أنا موافق أنك تلغيه وأنا هاكتب اقرار إني مش معايا منك أي توكيل بس جوزك هو كمان لازم يكتب اقرار إنه ما يخليكيش تبيعي أي حاجة من أملاكك.
فقالت: إيه ده؟ هو أنا رحت فين؟ هو أنا شخصيتي ملغية كده خالص بينكم انتوا الاتنين؟
--------------
طيب هو أنا بادعوا الي أن يعيش الرجل والمرأة في عوالم منفصلة كل منهما يعمق احساسه بذاته باعتبارها جزيرة تتباعد عن الأخري؟ بالتأكيد لأ
لكن لما يحصل جدل حول موضوع ما، بلاش بقي الراجل يفتكر ان السمكة مش هتقدر تعيش من غير البسكلتّة. باختصار علي السمكة أن تضع البسكلتّة في حجمها وموضعها الصحيح إذا ما تمددت البسكلتة وتفرشحت وتمعظمت وتكنشرت عن أنيابها – قصدي عن عجلاتها.
--------------------
ويقول مقدم البرنامج الديني الذي لا أذكر اسمه:
إن من سوء الأدب مع الله من ناحية ومع زوجتك وأولادك من ناحية أخري أن تقول لهم: أنا اللي باشتغل واشقي وأتعب وانتو من غيري هتجوعوا.
فعلا قليل الأدب ويستاهل قطع لسانه من لغاليغه.
يا أخي ده ربنا بيقول: نحن نرزقكم وإياهم
وفي موضع آخر يقول: نحن نرزقهم وإياكم
--------------
يهمني جدا إن الأم تربي بنتها علي الثقة بالنفس ونبذ الأمثال من عينة ضل راجل ولا ضل حيطة .. الحيطة زي ما بتجيب ضل ممكن تمنع النور خالص.
12:50 Posted in Egyptian Society | Permalink | Comments (3) | Email this | Tags: Woman, man, independence
Comments
روح يا شيخ ربنا يكرمك على الكلمتين دول
ويكتر من اللي بيفكروا زيك كده
Posted by: bluestone | 14 December 2006
مش عارفة
الكلام دا محتاج انه يطبق اكثر من 200 سنة في مجتمعنا دا
عارف اخي الكريم
انا اولا احييك علي فكرك هذا
و لكن اتدري من سيكون النجني عليه في النهاية جراء هذا التفكير؟؟؟ انها الفتاة بلا شك
انني اعرف نموذج لفتاة ممن تقول عليهم ...تثق بنفسها اكثر من اي شئ و متصالحة مع نفسها للغاغية و لها انشطة كثيرة ...و لها معارف من الشباب المثقفة ...و هم معجبون بها كأخت و كفتاه مثقفة ...و لكن عندما اختار هؤلاء الشباب الزوجات ...لم ينظر احد اليها لانه و لسبب بسيط الرجل الشرقي مازال يريد الصديقة الذكية و لكنة يرغب في زوجة غبية ,تطيع امرة و تكون محتاجة دائما الي حكمتة و مشورتة ورأييه
رغم ان هذه الفتاة مرت بقصة حب حقيقية و لكن كان هذا الحبيب المزعوم يهددها كلما غضب منها انه بعد الزواج انا الراجل يعني فوق و انت تحت ..زو دا مش كلامي دا كلام ربنا في القران ...و ساعات يهددها ...لن تعملي و لن تفعلي اي شئ و ابقي اخبطي رأسك في اجدع حيطة ...انا الراجل و لازم تسمعي كلامي!!!!!!!!!!!!
النموذج الذي تحكي عنه جيد و موجود و لكن يمضي حياتة وحيدا ...
اتمني لك التوفيق ...و ان تطبق هذا مع زوجتك ان شاء الله :)
Posted by: شمس الدين | 15 December 2006
العزيز مختار
النماذج فى الحياه متعددة والزمن يغير ويحدّث فى الافكار ومنظور المجتمع من 20 سنة للمرأة مختلف عن الان وبعد عشرين سنة من الان سوف يكون صورة مختلفة ربنا يدينا العمر ونشوف حد بيعرف يحترم الانثى ككيان
وان تعامل كروح وعقل قبل ان تكون جسدا
واتفق مع شمس الدين حتى يتحقق هذا ستكون الوحدة نصير كل من لها كيان
تحياتى
Posted by: tota24 | 16 December 2006