« بوم بوم كبديل للفياجرا | HomePage | إنهم يطرطرون علي الدستور »
21 March 2007
ملكة جمال الأخلاق والولد المثالي اللعوب
لست متابعا للقنوات الفضائية عموما ونادرا ما يستقر نظري علي قناة اقرأ. ولست بصدد تقييم برامجها وتوجهها لكن لفت نظري منذ بضعة أيام وجود اعلان في الشريط المتحرك أسفل الشاشة عن وجود مسابقة ملكة جمال الأخلاق، وأن عدد المشاركات وصل الي سبعة الآف فتاة، والجائزة الأولي عشرة الآف دولار أمريكي.
ولست أعترض علي وجود مسابقات ثقافية أو اختيار الأم المثالية والإبنة المثالية والطالب المتفوق الخ لكن عنوان المسابقة يرسخ تبعية ثقافية غربية – ملكة جمال الأخلاق!!! يذكرني استخدام متلازمة "ملكة جمال" بتقاليع التيار الإسلامي في الجامعة حيث تحكي لي زوجتي المتخرجة من جامعة القاهرة عن قيام شباب التيار الإسلامي بعمل احتفال مواز ليوم فالانتاين الذي ابتليت به مصر منذ بضع سنوات. وكان شباب التيار يستخدمون البلالين أيضا وكلام من عينة الحب الإلهي والحب في الله هو الأساس الخ.
النقطة الثانية التي لا تقل عن الأولي في درجة الاستفزاز أو الاستهبال إن شئت الدقة هي عملة الجائزة: الدولار الأمريكي. وتساءلت ولماذا لا تكون بالين الياباني أو الدراخما اليوناني أو حتي بسرة من الدراهم والدنانير المصكوكة في قبيلة خزاعة؟؟ أليس المنطقي أن تكون الجائزة بعملة البلد التي تقام فيها المسابقة بدلا من ترسيخ التبعية بهذا الشكل المخزي؟
النقطة الثالثة أن موضوع المسابقة وهو بر الوالدين وبر الأبناء وبر الزوجات الخ لا يجب أن يكون سببا لكسب جائزة مالية أو رحلات ترفيهية. يمكن تشجيع السلوكيات الحميدة بطرق أخري غير تقديم المكافآت المالية. المسألة في أولها وآخرها تتعلق بالمشاعر والأحاسيس ومكارم الأخلاق والوازع الديني، وليس امتحانا دراسيا يكافئ المتفوق فيه.
النقطة الرابعة: كان من الممكن توسيع نطاق التقييم فيخرج عن نطاق بر الوالدين ليشمل أشياء أخري كثيرة تندرج تحت مسمي الأخلاق طالما أن عنوان المسابقة يشير الي الأخلاق بصيغة الجمع، فيكون تقييم الفتاة تقييما شاملا بقدر الإمكان.
النقطة الخامسة: لماذا هي مسابقة أنثوية فقط؟ أليس للذكور حظ في آباءهم وأمهاتهم؟ أم أن شروط المسابقة وضعت بعد اختيار العنوان الأمر الذي يتعذر معه وجود ذكر يحمل تاج ملكة جمال الأخلاق؟
بين السطور: بعد استلهام مسابقة ملكة جمال الكون من الغرب، هل يمكننا في المستقبل القريب اصدار مجلة الولد اللعوب المثالي؟
15:55 Posted in Media | Permalink | Comments (18) | Trackbacks (0) | Email this | Tags: Media, The Other, Iqraa TV
Trackbacks
The URL to Trackback this post is: http://unbrainwasher.blogspirit.com/trackback/1226858
Comments
why not ?? :)
Posted by: Ahmed Salem | 21 March 2007
why not ?
هو ايه ده؟
بصراحة الموضوع بقى يفقع المرارة .. هو ليه في ناس من أوساط الاسلاميين تريد أن تعمل بديل لكل شيء غربي؟
يعني ايه ملكة جمال الاخلاق .. ليه يعني؟
زي في برنامج تاني عامل زي ستار أكاديمي بس كانوا شباب متدينين!
ايه الفشل ده؟
قمة الفشل أن تنتظر حتى يتحرك الآخرين ثم تقوم انت بالتقليد و عمل نسختك!
زي ما في حلاقة اسلامي
http://fathy.egyblogs.com/?p=44
و كل حاجة هايبقى فيها اصدار اسلامي و البعض من المتدينين سيخلق مجتمعا بداخل مجتمع و مش بعيد يعملوا زي الأميش اللي في امريكا او زي قف و تبين و يبقى لهم قرى و مدن خاصة بيهم؟
مش عايز عيد حب .. كثر خيرك .. مش لازم بقى تعمل حاجات غريبة
مش عايز ملكة جمال .. من حقك .. بس ما تعمليش ملكة جمال الأخلاق
أصل كل حاجة من الحاجات دي كمان بتبدي حلوة في الأول و غالبا بتنحرف عن الغرض الأساسي منها
Posted by: Ahmed Fathy | 21 March 2007
هو أنا مش فاهم ايه السبب في استبدال كل ما هو غربي أو حتى تقليدي بما هو اسلامي
مثلا زمان كان اسمه سبوع ، دلوقتي بنقول عليه عقيقة ، و ندبح معزه أو غيرها ، و نمسك الشمع و نشغل أغنية الحفيد! يخربيت الإزدواجيه! ، لا و فيه واحد مخصوص بيطبخ العقيقة اسمه الشيف سرحان! لو النبي كان يعرف ان المسلمين هايبقوا تنكين كده ماكنش جاب سيرة العقيقة خالص
لا و إيه ، يقولك انت ممكن تعمل لنفسك عقيقة في أي سن حتى و انت كبير! ، هو التماحيك في حاجه غير مهمة زي العقيقة كمان؟ يعني أظن إن الحض على الصدق أو الأخلاق الحميدة أحسن بكتير ان واحد أهبل و طويل يروح يدبح معزه و يقولك أنا عازمك على عقيقتي ، بس زي ما قلت ، تماحيك
يمكن هما دايما بيحطوا الجوايز بالدولار عشان الموضوع يبقى على مستوى العالم العربي ، أي حد يشترك و الله أعلم
أيوه أنا هاحب أمي أكتر لما حبها ده يجيبلي فلوس ، احنا بقينا زباله للدرجه دي ، هاقولك ايه يعني؟
و يخربيت التناقض ، ازاي واحده هاتطلع عشان تاخد الجايزه المالية اللي استحقتها عشان هي زاهدة في الدنيا و تترفع عن الملذات؟ في الحقيقة الجايزه هاتكون للي بيصلي الصلاة على وقتها و لمن يسبغ الوضوء و هكذا
أظن الصح صرة مش سرة
Posted by: spring | 21 March 2007
الفكره مثيره لقدر غير قليل من الأسئله ..
إذ ما هى المعايير التى بناء عليها سيتم اختيار الفائزه !! أفهم أن مسابقات الجمال العاديه بها مقاييس محدّده لأجزاء الجسم !! لكن كيف يمكن تحديد أن برّ فلانه لوالدتها فاق برّ علاّنه لوالدها !!
الأكثر إثاره للسخريه هو فكرة الجائزه المادّيه :-) لماذا؟
لأن السخريه من أعياد الأم و الحب و غيرها دائما ما تكون بسبب تحويلها للمشاعر النبيله و السلوكيات البديهيه إلى قيم استهلاكيه و مادّيه !! فتأتى المسابقه "التى من المفترض أنّها إسلاميه" لتسير على نفس النهج !!
برّ الوالدين صفه أظنّها أنثويه بدرجه أكبر -من وجهة نظر المجتمع و ليس الدين- تتّسق تماما مع اختيار "ملكة" جمال للأخلاق .. هل تراهم ينظّمون مسابقه عن الشجاعه أو المروءه أو الشهامه و الكرم بين متسابقات من النساء؟ أظنّها لا تتّسق مع الصوره الذهنيه النمطيه للمرأه العربيه و آدى دقنى إن مسابقة الرجال ستتناول صفات يظنّها البعض ذكوريه بحته مثل المذكوره أعلاه ..
Posted by: زمان الوصل | 21 March 2007
ربيع : أنا معاك و مع مختار إن استبدال كل شئ ببديل اسلامي مستحدث هو أمر زاد عن حده فعلاً.
إنما العقيقة موجودة من زمان، كون ان انت ماسمعتش عنها في محيطك دي حاجة تانية.. بس ماتجيش و النبي تعمل زي اللي بيقولوا الحجاب جديد و ماكانش فيه محجبات في مصر في الستينات.
أنا مولود من 26 سنة سيادتك و عملوا لي عقيقة و سبوع و شغلوا أغاني و هيصوا و زغردوا كمان :)
Posted by: شريف نجيب | 22 March 2007
بخصوص الشيف سرحان
الشيف سرحان يمتلك سلسلة مطاعم التقوى!
مش فاهم ليه التسميات الغريبة دي؟
يعني انا طول عمري اشتعجب من مطعم الامانة .. مطعم الاخلاص .. و دلوقتي بقى فيه التقوى و العقة و الاستقامة
Posted by: Ahmed Fathy | 22 March 2007
ابو سيف :
لو كنت شفت فيلم الناظر لعلاء ولي الدين كنت شفت نموذج لطلبة المدارس اللي ماتجهوش لتحصيل العلم الا بعد الاغراء بالهدايا امثال الاتاري وترابيزات البلياردو والبنج
للاسف دا واقع، شريحة كبيرة من مجتمعنا عايزا حافز للالتزام بمكارم الاخلاق وبالتالي ايه المانع ان احنا ندعوا لمسابقات في الاخلاق مقابل جواز ماليه
دا طبعا بافتراض حسن النية من صاحب الفكرة
ومن وجهة تانية اذا كان الغرب سبقنا فعلا وابتكر حاجه وروجلها والحاجة دي لا تناسب شرعنا ايه المانع ان احنا نوجد لها بديل مش كفايه الخيبة انهم سبقونا
(نص العمى ولا العمى كله)
وبعدين لما نقول حرام يقولولنا طب نعمل ايه
دا برضه بافتراض حسن النية من صاحب الفكرة
اما بقى الاحتمال الاكبر هو ان صاحب الفكرة الاسلامية هو نفسه صاحب الفكرة التانية بس زودلها ما تطلبه الشريحة اللي مقدرش يستقطبها بالفكرة المجردة
يعني الموضوع تسويقي بحت
اقرا التدوينه دي متهيألي قريبه من فكرتك
http://muslimengineer.blogspot.com/2007/01/blog-post_10.html
Posted by: مهندس مسلم | 22 March 2007
فكر إسلامي ، مفكر إسلامي ، موسيقى إسلامية ، فرح إسلامي ، مسابقة إسلامية ، علم نفس إسلامي ، فلسفة إسلامية ،....الخ!
ما هي علاقة كل ما سبق بالإسلام كدين عقيدة وعبادة ومعاملات؟
حسبي الله ونعم الوكيل..
Posted by: قلم جاف | 23 March 2007
وكلّه كوم و "الهاتف الإسلامى" كوم تانى !! رغم أن كلّه بيزنس فى الآخر
Posted by: زمان الوصل | 23 March 2007
زمان الوصل
ايه هو الهاتف الإسلامي ده؟ الرنات بتاعته أدعية يعني و لا ايه بالظبط؟
Posted by: spring | 24 March 2007
الهاتف الإسلامى تجد إعلاناته فى قنوات التسوّق عبر الهاتف .. وهو تليفون عادى جدّا يؤذّن مع مواقيت الصلاه كى تستطيع مثلا أن تصحو لتصلّى الفجر !! و كأن المسلمين كل هذه القرون كانوا بانتظار التليفون الاسلامى يصحّيهم لصلاة الفجر !! زى بالظبط إعلان مسابقات
09999
التى يبدأ الكلام فيها بجملة "مش جه الوقت اللىّ تزور فيه ربنا فى بيته الحرام" وده طبعا من خلال المسابقه المحرّمه شرعا اللىّ جايزتها رحلة حج أو عمره !!
Posted by: زمان الوصل | 24 March 2007
انا مره من زماان قريت مقال لحد مش فاكره هوا مين بصراحه كان بيتكلم غلي مسابقات ملكات الجمال وبينقدها وقعد يتكلم عن انه لو بدلنا شروط مسابقات الجمال العاديه فبدل ما يكون جمال شكلي ومواصفات الجسم ايه والطول كام والوزن قد ايه قعد يوصف في الجمال الروحي والعقلي والديني والاخلاقي بس حقيقي متوقعتش ان ممكن يجي الوقت واشوف ان في مسابقه زي دي ممكن تحصل
:D
وعلفكره مفروض الرجاله يتمردو ويطالبو بمسابقه شبيهه ماهو برده في مسابقات مستر ايجيب ومستر اسيوط والكلام دا فا اشمعني هما يعني
اه علفكره يا ربيع انا كمان عندي 25 سنه واتعملي عقيقه ومدبحوش معزه لا دبحو خروف
:D
Posted by: shaimaa | 25 March 2007
أحمد سالم: مش كده والنبي؟
-------
أحمد فتحي: اللي يغيظني أكتر باردو هو إن التقليد مش بيكون الا للغرب وكأن العالم عبارة عن إحنا والغرب، وكأن مفيش حاجة عند الصين واليابان والهند نقلدها حتي لو عبيطة. نفسي نقلد حاجة من الشرق وتكون عبيطة باردو معنديش مانع:)
------------------
ربيع: ممكن توسع الرؤية شوية وتقول إن اللي بيعمل عقيقة وهو كبير عايز يوسع علي الفقراء وأقاربه مثلا ويشيع قيم التراحم والألفة الخ. انشاء الله أنا ناوي قريب أعمل عقيقة لابني للأسباب اللي فاتت دي.
----------------------
زمان الوصل: اه صحيح همه هيقيسوا البر ده إزاي؟؟ وأصلا هيتأكدوا من صدق القصة إزاي؟ هيجيبوا شهود مثلا ولا هيسمحوا بالتصوير المنزلي ليوميات فتاة بارة بوالديها؟؟؟
الهاتف الاسلامي يمكن أن يستحق لفظ إسلامي فقط إذا وردت طريقة تصنيعه في القرآن الكريم أما غير ذلك فيستحق اسم تليفون فقط. كان هذا من الاعلانات المستفزة أيضا. ربنا ياخدهم
---------
شريف نجيب: أتفق معك، هي سنة فيها معاني وقيم جميلة أتمني أن نفكر فيها.
----------------
أبو عمر: شفت فيلم الناظر وليس لدي مانع من التشجيع المادي من أجل التفوق الدراسي لكن مع بر الوالدين واللي هيصلي هنديله قبقاب هدية بتبقي سخيفة قوي.
------------------
قلم جاف: اسلامي هي الصفة التي تضمن عبور الفكرة أيا يكون محتواه.
---------------
شيماء: مسابقة ملكة جمال الكون بيبقي فيها أسئلة ثقافية وحاجات كده بجانب قياس أحجام الأعضاء وعرض المايوهات الخ بقدر ما أعرف. لكن لا أدري إن كان موضوع الثقافة هذا دخيل علي قياسات الأعضاء والجمال الجسدي أم لا. عموما الفكرة الغربية قذرة ولا داعي لاستيرادها فضلا عن استعارة الاسم كمان.
Posted by: Mukhtar | 25 March 2007
مختار
أظن ان كان فيه نقاش قبل كده بيني و بين واحد من المدونين ،ارحم دماغك على ما افتكر
المهم انا كنت فاكر ان العقيقة للمحتاجين ، هو قالي لا دي أصلا للأهل و الأصحاب ، و لو عايز تتبرع طبعا مافيش ما يمنع ، و بالطبع هي أصلا سنة
Posted by: spring | 25 March 2007
يا عم أنا اتبضنت من الخلايجة على الوهابيين على السلفيين على الاسلاموين على كل واحد رافع يافطة " أنا مسلم" و متفرمت من حواه غربى على بدوى على قرف , حاجة قذرة
و على رأى الشاعر لنا قال
أبكبك يا اسلام و ما أبكى ميتا و لكن عزيزا "نفخه" أهله
Posted by: benhoz | 27 March 2007
بيزنس بيزنس بيزنس !!!!!!!!
أبشرو هناك محمول أسلامى رناتة أيات قرأن وأذان دون مراعاة لقدسية أيات القرأن ولا مواقيت الأذان
Posted by: سوسن | 12 June 2007
لية اسعار الموبيلات رفعت كدة
Posted by: kiko | 11 July 2008
انتا عبيط ياما عبيط اصلها حاجه من الاتنين انا عاوز اقولك
ولا خلاص مش لازم بش الشيف سرحان ده عمك
Posted by: اشرف | 13 July 2008