22 March 2007
إنهم يطرطرون علي الدستور
تحديث: الأحد 25 مارس
تدوينة أحمد غربية - الأمر ليس خيالا علميا غرق فيه ألدوس هكسلي أو جورج أورويل، والحرية ليست كأيام الدهر تسير إلي الأمام ولا تنظر إلي الخلف
بيقولوا في دستورنا
للمساكن حرمة فلا يجوز دخولها ولا تفتيشها إلا بأمر قضائى مسبق وفقا لأحكام القانون
شوف الأدب والأخلاق يا ذوق.
التعديلات بتاعة يوم الاثنين بتقول ايه في المادة 179 زي ما قرأت:
تعمل الدولة علي حماية الأمن والنظام في مواجهة أخطار الإرهاب. وينظم القانون أحكاما خاصة بإجراءات
الاستدلال والتحقيق التي تقتضيها ضرورة مواجهة تلك الأخطار، وذلك تحت رقابة من القضاء. وبحيث لا يحول دون تطبيق تلك الأحكام الإجراء المنصوص عليه في كل من الفقرة الأولي من المادة 41 والمادة 44 والفقرة الثانية من المادة 45 من الدستور. ولرئيس الجمهورية أن يحيل أي جريمة من جرائم الإرهاب إلي أي جهة قضاء منصوص عليها في الدستور أو القانون».يعني: الدولة هتحافظ علي الأمن والنظام في مواجهة الارهاب، طيب والحريات الشخصية وحرمات البيوت والمساكن؟ بيقولك بقي إن المواد اللي بتتكلم عن الحريات وحرمة البيت والجسد والممتلكات هنطرطر عليها في سبيل تطبيق أحكام الارهاب
طيب ليه أصلا نحتفظ بالمواد بتاعة الحريات الشخصية وحرمات البيوت طالما أنها لا ينبغي أن تحول دون تطبيق قانون الارهاب؟؟؟ مين المشرع اللي رقّع المادة دي وإزاي يجيله الغباء والجرأة في وقت واحد إنه يكتب الخرا ده ؟
المهم إن بتوع الدولة المدنية قعدوا يكلمونا علي ميزة المواطنة وخطورة كون الاسلام هو الأساس التشريعي وفي الآخر لا هيبقي في مواطنة ولا مواطن
يعني الدستور بيقول حريتك الشخصية مقدسة وحرمة البيوت مقدسة إلا إذا جات سيرة قانون الارهاب.
ويذكرني هذا الموقف العبثي برواية جورج أورويل مزرعة الحيوان، حيث تم خرق الوصايا السبع علي التوالي.
ولو مثلا الشخص اللي قبضوا عليه من غير إذن سابق من المحكمة والنيابة، واقتحموا بيته وهتكوا حرماته وأسراره وحياته الشخصية وحياة ذويه وأقاربه – الدستور الجديد بقي بيعطي الحق للريس أنه يحول الشخص الارهابي الخطييير ده لأي جهة قضاء – بما فيها قضاء الله طبعا.
المواد اللي هيطرطروا عليها
واحد وأربعين
الحرية الشخصية حق طبيعى وهى مصونة لا تمس، وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأى قيد أو منعه من التنقل إلا بأمر تستلزمه ضرورة التحقيق وصيانة أمن المجتمع، ويصدر هذا الأمر من القاضى المختص أو النيابة العامة، وذلك وفقا لأحكام القانون.
ويحدد القانون مدة الحبس الاحتياطى.
أربعة وأربعين
للمساكن حرمة فلا يجوز دخولها ولا تفتيشها إلا بأمر قضائى مسبب وفقا لأحكام القانون.
خمسة وأربعين
لحياة المواطنين الخاصة حرمة يحميها القانون.
وللمراسلات البريدية والبرقية والمحادثات التليفونية وغيرها من وسائل الإتصال حرمة وسريتها مكفولة، ولا تجوز مصادرتها أو الإطلاع عليها أو رقابتها إلا بأمر قضائى مسبب ولمدة محددة ووفقا لأحكام القانون.
13:45 Posted in Politics | Permalink | Comments (7) | Email this | Tags: Politics, Constitution Amendments, State security
Comments
خج بالك من موضوع أي جهة قضاء دي تشمل المحاكم العسكرية و أي محاكم استثنائية سيتم اختراعها في المستقبل.
Posted by: alaa | 22 March 2007
Mukhtar (Atef): I see this discussion as "theoretical" because even when this article was in the constitution, it did not prevent the government from having a free hand to do anything they wanted. The new amendments is just "legalizing" dictatorship of the executive branch of government. Honestly, there is only one solution "revolt" and don't give me the crap about peaceful resistance. This is totally unfair. Those who have the power; prisons, army, "amn markazi", police, etc, can use it with impunity. However, the people who are the subject of all these atrocities are required to abide by peaceful democratic expression. I swear by Allah, I can see violence coming with big help from the "governing junta" who think they can do this forever.
The end is near Insha Allah!
Ibrahim
Posted by: MIHSRI | 23 March 2007
مختار.. دي مدونة عاملنها لموضوع التعديلات واتكلمنا في انتبه انت في دولة العبيد عن نفس المواد الملعونة دي
ابقى شوفها وقولنا رايك
http://dostorekyama7rousa.wordpress.com/
Posted by: Abd El Rahman | 24 March 2007
مختار
مش عارفة ليه الدستور ده بيفكرنى بايام معينة كانت من الايام السودا اللى مرت على مصر
كان الحق متاح للحكومة تعمل كل حاجة فى الشعب
تقهره وتعذبه وتقتله ولا يحق لمواطن ان يقول لا
كانت التليفونات بتتراقب والاشخاص والبيوت
هو احنا بنتحرك خطوة للامام ولا ميت خطوة للخلف
ان مش عارفة اصدق الهراء اللى على شاشة التلفزيون من اساتذة ومثقفين بيتكلموا عن التغيير كأنه حلم هيحقق العدالة السماوية على الارض ايه التناقض الفظيع ده
ده ابسط مواطن غير دارس فهم ايه التعديل هما ليه ناسيين ان اللى ليهم النهاردة عليهم بكره
تفتكر امتناعنا عن التصويت هيعمل حاجة ؟ تفتكر رفضنا ليه هيرحمنا ؟ تفتكر ايه ممكن يرفع الايد السودا عن رقاب العباد قبل ما تزهق اخر نفس فينا
حسبى الله ونعم الوكيل
Posted by: tota | 24 March 2007
علاء: أيوه طبعا النص عامل زي الشوال ممكن أي حاجة تتحط فيه تحت مظلة الدستور.
-----------
د/ إبراهيم: صحيح من الناحية العملية يمكن لضباط الشرطة وأمن المحروسة فعل أي شئ ولكن التعديلات لا تجعل ارهاب الدولة قانونيا وحسب وإنما دستوريا أيضا.
---------------
عبد الرحمن: جهد مشكور . أتمني من الله أن تؤتي ثمارها لعل وعينا بما نحن فيه يزداد.
------------------
توتا: أنا مكتئب جدا ولا أدري كيف الخروج. المقاطعة والرفض نتيجتهما واحدة لأن الرئيس يفرض إرادته بوضوح كما في خطابه المستفز بالأمس كالعادة. واكتئابي يزداد مع رؤية المعرصين علي شاشة التلفزيون لا يكتفون بالسكوت علي المهزلة بل يزيدون الطين بلة بقسمهم أغلظ الأيمان أن التعديلات تنتصر لحقوق المواطن والإنسان. أشعر بالعجز الكامل.
Posted by: Mukhtar | 25 March 2007
غناء جماعي تحت غطاء البرطمان (القبة سابقا):
أدينا بنطرطر..ورانا إيه! ورانا إيه؟
نحب نستعرص..ورانا إيه!
و أنت يا بلدينا..هتديلنا إيه..
و هننهبك بإيه؟
أجهل ناس..أعرص ناس
خراب..بلد الملايين
دمار..يا مصريين
Posted by: مفشوخ | 29 March 2007
ياجماعة اخبركم باننى شيلت طبلة باب الشقة والترباس وحاليا مقفول بمسمار معووج لسهولة الفتح بالرجل
وقريبا حاشيل المسمار السابق ذكره وبعد ذلك
حاشيل باب الشقة نفسه واللى نفسه فى حاجة يطلعلى بره قصدى يدخللى جوه
وحسبى الله ونعم الوكيل واسف على الانهزلمية دى لاننى لاارى غيرها
ولكم الله يانهال انت واحمد
Posted by: yourfrindalex | 30 March 2007
Post a comment