« العالم الغربي والإسلامي: التاريخ والدين | HomePage | حول قضية سمينة مالك »
13 November 2007
الشعر الإرهابي التفجيري الإسلامي العربي
حبسوها تمهيدا للحكم عليها لأنها كتبت شعرا إرهابيا.
نستفيد من هذا أن العالم الغربي يقول لنا: إياك أن تحرق كتاب سلمان رشدي فهو حر ومبدع ولا يمكن محاسبة انسان علي مجرد كلمات، بينما من حق الغرب حبس انسان مسلم لأنه كتب شعرا. أو ليس الشعر كلمات؟
الأمر خطير ومرعب لأنه يستند إلي أسخف التهم علي وجه البسيطة: تهمة التحريض.
نوارة كتبت ولفتت نظري للخبر علي بي بي سي
الموضوع خطير لأسباب كتير أهمها إستمرار دخول الخوازيق فينا جميعا من جميع الزوايا وبجميع الأطوال الممكنة وغير الممكنة. الموضوع خطير لأنه جاي من قلاع التنوير والحرية
وخطير لأن كفيف البصيرة يقدر يشوف إن الهجمة المسعورة مقصود بيها كل عربي ومسلم ويلعن دين أم نظرية المؤامرة علي دين أم اللي ماسكها لبانة في بقه.
وخطير لأنه بيعري كل عرص تنويري سمع ولا فشخش بقه زي مبيعملوا مع كل عرص زيهم.
وخطير لأنه ضد العقل والمنطق تماما إنك تحبس حد لمجرد أنه بيسمي نفسه عابد الشيطان أو عاشق كلوت يسرا أو إرهابي الشعر.
خطير جدا إن أي دولة في العالم – خصوصا لو بتقول إنها شرموطة التنوير والعقلانية – تحكم علي حد بالسجن أو المؤبد لمجرد أنه بيكتب عن حبه للشهادة ووصفه لتقطيع الرؤوس.
خطير ومرعب جدا إنك تتحبس لمجرد إن الهارد ديسك بتاعك عليه مجموعة كتب من بينها كتب عن تحضير السموم ونصائح للتخفي والمراوغة، أو كتاب الحكومة الإسلامية لأبي الأعلي المودودي أو معالم في الطريق أو كتاب كيف تجعلين زوجك كالثور الهائج علي حلبة السرير.
خطير ومرعب جدا إن يبقي في دولة بتحاسب الناس بشكل عشوائي في مسألة الأفكار والتعبير: يعني إيه معني إباحة التعبير عن كل ما هو جنسي وإباحي ومشجع علي الإلحاد وتعاطي المخدرات والدخان ثم القبض علي كل من يعبر عن ضرورة الجهاد ويمدح في بن لادن؟ أليست كلها أفكار؟؟
صحيح أن لكل مجتمع ودولة الحق في تحديد ما يشكل خطرا عليها وعلي سلامة وأمن المجتمع وأمن الدولة لكن في هذه الحالة أيضا ما معني الضغوط التي يمارسونها علي الدول العربية والاسلامية لإباحة التعبير عن الجنس والإلحاد في مجتمعاتنا؟؟؟؟
والموضوع خطير لأن المعرصين الذين وقفوا وراء سلمان رشدي وإرشاد مانجي وتسليمة وغيرهم علي أرضية حقوق الإنسان – هكذا بالألف واللام ومطلقة – يغضون الطرف اليوم عن حرية التعبير وحقوق الإنسان. عن أي إنسان يتحدثون بالمناسبة؟ وهل تطور العرب والمسلمين وخرجوا من مرحلة الشامبانزي من وجهة نظر الغرب أم لا؟
والأمر خطير لأننا يوميا نتأكد أن المعرصين ولاد الشرموطة اللي كانوا فرحانين برواية جورج أورويل 1984 واعتبروها انتصارا للديمقراطية والليبرالية الغربية علي الشيوعية والفاشية السوفيتية وقت صدورها في منتصف القرن العشرين يمكنهم أيضا الآن أن يتأكدوا أن أورويل كان ينتقد الاستبداد أينما وجد ولم يكن يقصد أبدا مدح الحضارة الغربية بل إن الأمر أعقد من ذلك أيضا فجورج أورويل رأي ببصيرته أن الأمر يوشك أن يقع في الحضارة الغربية أيضا ودول الديمقراطية التي تنتكس بسرعة مذهلة فأصبحت تقيم شرطة للفكر – عفوا شرطة للفكر العربي والإسلامي فقط وشرطة للانترنت تتابع أي قصيدة لأي شخص له اسم عربي أو اسلامي، شرطة الفكر العربي والاسلامي أصبحت أيضا تحاكم الناس علي اقتناءهم للكتب.
وإذا كانت رواية 1984 يتم تحليلها علي أنها انتصار للديمقراطية الغربية وسيفا علي رقبة الشيوعية فاليوم تحكي هذه الرواية عن بريطانيا بالأخص.
منذ ثلاث سنوات كنت لا أزال أحتفظ بكتاب الحكومة الإسلامية في مكتبتي وأجلت قراءته كثيرا. بعد اعتقال كل زملائي وأصدقائي بتهمة إطلاق اللحية والجلباب القصير قمت بفرز مكتبتي وأخرجت عدة كتب يجب التخلص منها كان من بينها الحكومة الاسلامية.
فإذا كنا نفعل هذا في مصر فالحال كان هكذا دائما ولسنا بمخدوعين لكن بريطانيا بلد جون لوك وجيرمي بنثام الذي دافع في القرن التاسع عشر عن الشواذ وبلد دي إتش لورانس والكاتب المبدع العبقري الفذ سلمان رشدي!!! فالأمر محير ويتجاوز دين أم منطق نظرية المؤامرة والغرب الشرير.
حينما يتكلم الغربي عن حرية الانسان وحرية التعبير اسأله أولا – قبل الدخول في أي تفاصيل – ما المقصود بالإنسان وما معني الحرية وهل هناك حدود للتعبير أم لا.
احفظوا ذاكرتكم وتذكروا أقوال وأفعال العالم الغربي وكفاكم جلد ظهوركم بأيديكم.
تحديث: 2:30 عصرا نفس اليوم
لفت نظري أن تعليقات كثيرة جاءت علي موضوع سمينة تقول:
رحلوها الآن،
إرموها برة البلد،
هل هناك من لازال يعتقد أن "هؤلاء الناس" يمكن أن يستوعبوا ديمقراطيتنا،
وأتمني أن تنال عقوبة الإعدام فهكذا يكون الحكم علي الارهابيين،
والأشخاص من عينتها هم اللذين يقدمون الوقود اللازم للقيام بالعمليات الارهابية،
هذا هو الاسلام دين السلام،
يجب أن تسجن فترة طويلة ثم يتم ترحيلها،
هناك الآلاف من عينتها.
لكن الحمد لله لاحظ إثنان من المعلقين أنها بريطانية مولودة في بريطانيا فإلي أين يجب ترحيلها؟
:))
09:10 Posted in East and West | Permalink | Comments (16) | Email this | Tags: Human rights, UK, freedom of expression, Pimping, Rushdie
Comments
هو انت يا مختار عمرك ما سمعت عن واحد دخل السجن فى مصر بتهمة ازدراء الأديان ؟( الاسلام هو الدين الوحيد المعترف به فى مصر ) يمكن البنت كل تهمتها انها بتشجع على قتل المسيحيين و دى حاجة مش ممنوعة و أكيد محمودة فى الدول الاسلامية و طبعا تعتبر من حقو ق الانسان المسلم و الانجليز قبضوا عليها
بشكل عشوائي في مسألة الأفكار والتعبير: يعني إيه معني إباحة التعبير عن كل ما هو جنسي وإباحي ومشجع علي الإلحاد وتعاطي المخدرات والدخان ثم القبض علي كل من يعبر عن ضرورة الجهاد ويمدح في بن لادن؟ أليست كلها أفكار؟؟
أكيد أن كلها أفكار بس لا الشذوذ و لا المخدرات بيشجعوا قتل الناس ...طيب ليه اعترضت و حرقت و قتلت بسبب الرسوم الدانماركية و حديث بابا الفاتيكان ...أليست كلها أفكار ؟؟
بالتأكيد أنا مش باشجع الانحلال ولا الهجوم على الاسلام
بس السلوك الانسانى لا يمكن فرضه مهما كانت القوانين ...هى السعودية ما فيهاش شذوذ و خمرة و دعارة ؟؟؟ هم ريحوا نفسهم من القرون الوسطى لأن الضمير هو من يحكم فى هذه الحالات و ليس القانون
والموضوع خطير لأن المعرصين الذين وقفوا وراء سلمان رشدي وإرشاد مانجي وتسليمة وغيرهم علي أرضية حقوق الإنسان – هكذا بالألف واللام ومطلقة – يغضون الطرف اليوم عن حرية التعبير وحقوق الإنسان.
انت ما شفتش عشرات الكتب اللى بتهاجم المسيحية فى مصر وواخدة تصريح من الأزهر ؟ أخرها كتاب اظهار الحق ....بلاش ما شفتش شفرة دافنشى و هى معمولة فى الغرب ؟؟؟ لا أعتقد بأى حال من الأحوال أن فيه واحد مسلم أو أى واحد يؤيد هذه الأفكار تم ايذاؤه و لا حتى دان براون يعنى بالعربى سلمان رشدى زى دان براون ما تزعلش ...الفكر لا يواجه اللا بالفكر اللا لو كان يحض مباشرة على العنف زى الأخت اللى فى الصورة ... ياترى وصلك ما أقصده
؟طيب شفت العلماء الأفذاذ : سليم العوا و محمد عمارة و زغلول النجار و الشيخ الشعراوى
وباضيف عبارتك مع التغيير : حينما يتكلم الشرقى عن حرية الانسان وحرية التعبير اسأله أولا – قبل الدخول في أي تفاصيل – ما المقصود بالإنسان و من المعلوم أن المسلم درجة أولى فى بلده و لا يتساوى مع الكافر
خلاصة القول : الشخصية الاسلامية محتاجة انها تكون محايدة ...احنا فى مصر محتاجين للحياد الدينى
Posted by: Nobody | 13 November 2007
أرجو منك أن تقرأ هاتين التدوينتين حتي تكتمل معطيات موقفي في ذهنك.
http://unbrainwasher.blogspirit.com/archive/2007/08/02/right-to-calling-others-disbelievers1.html
http://unbrainwasher.blogspirit.com/archive/2007/07/30/tora-bora-org.html
وأرجو أن تقرأ تعليقاتي في التدوينتين لأن موضوع تهمة التحريض بالنسبة لي سخيف سواء في مصر أو إنجلترا. أنا لست مقتنعا بتهمة التحريض أصلا لأنها ضد العقل.
كما أرجو أن ترجع إلي هذه التدوينة
http://unbrainwasher.blogspirit.com/archive/2006/04/18/%D8%A7%D9%84%D9%85%D8%B3%D9%84%D9%85-%D9%83%D8%A7%D9%81%D8%B1-%D9%88%D9%83%D8%B0%D8%A7-%D8%A7%D9%84%D9%85%D8%B3%D9%8A%D8%AD%D9%8A.html
أنا رجعت لموقفي أيام تصريحات البابا ووجدت لي تدوينة هنا
http://unbrainwasher.blogspirit.com/archive/2006/09/21/%D8%A7%D9%84%D8%A8%D8%A7%D8%A8%D8%A7-%D8%A7%D8%B9%D8%AA%D8%B0%D8%B1-%D8%B9%D9%86-%D8%B1%D8%AF-%D9%81%D8%B9%D9%84-%D8%A8%D8%B9%D8%B6-%D8%A7%D9%84%D9%85%D8%B3%D9%84%D9%85%D9%8A%D9%86-%D8%A8%D9%8A%D8%A8%D9%8A-%D8%B3%D9%8A.html
لم أعلق فيها علي تصريحاته إنما علي تناول البي بي سي لها والخلط الحادث في الخبر. والبابا وغيره أحرار في رفض القرآن ونبوة الرسول ونقد النصوص الدينية.
ووجدت تدوينة أخري
http://unbrainwasher.blogspirit.com/archive/2006/09/20/وهل-يستأصل-السعال-السم-من-جوف-الثعبان؟.html
هذا عن موقفي ولست أتكلم بلسان الدولة التي حبست كريم أو تعتقل الإخوان. كما أنني حينما أسجل نقدا لسلوك ما عند الشرقي أو الغربي فإنني أنتقد السلوك ولا يهمني أن أنتصر لعروبتي وإسلامي بالحق والباطل بقدر ما يهمني أن أنتصر للفكرة التي أؤمن بها وأنتقد السلوك الخاطئ. في تدوينتي هذه الخطأ عند الغربي فانتقدت ما أراه تضاربا في منطقه.
لاحظ أن مدونتي فيها نقد كثير مثلا لخطباء المساجد أيضا بسبب المنطق المعوج.
سأعود للتعليق لاحقا بسبب انشغالي الآن
Posted by: Mukhtar | 13 November 2007
لأ سمعت أنهم قبضوا وسجنوا كريم مثلا بتهمة إزدراء الإسلام. لكن ما الداعي لسرد مقارنة بين حرية التعبير في مصر ومثيلتها في إنجلترا؟؟ أنا لا أري أن المسألة لها معني؛ فنحن لسنا ندعي أن لدينا حرية رأي أو علي الأقل لسنا مثل بريطانيا وليس من الذائع في الإعلام الغربي أن مصر حرة مثل بريطانيا. لذلك فحبس كريم كان متسقا مع الجو الخانق في مصر. أما توجيه تهم الإرهاب لفتاة بسبب قصيدة شعر في بريطانيا يستحق التعجب والنقد لتناقضه مع جعجعة الاعلام علي حرية الغرب.
من قال إن قتل المسيحيين في الدول الإسلامية شئ محمود وغير ممنوع؟؟ أكيد هناك انتهاكات ومشاكل لكن من الذي أباح قتل المسيحيين؟! محمد عمارة مثلا؟ هل هناك آخرون؟ هل يقوم المسلمون بقتل المسيحيين بسبب قراءتهم لعمارة؟ ولست أري أن لهجتك الساخرة تحتمل أن تؤخذ بأي قدر من الجدية. نعم هناك انتهاكات لكن هناك مئات الآلاف من المسيحيين والمسلمين يعيشون في سلام. ويجب أن يؤخذوا في الاعتبار أيضا حتي لا نقوم بالتعميم.
أنا لم أعترض علي تصريحات البابا، أنا اعترضت علي تناول البي بي سي للخبر. لا تحدثني عن تصرفات كثير من المسلمين فلا هم يعبرون عني ولا أنا أعبر عنهم.
المخدرات تشجع علي قتل الناس لأن تعاطيها يؤثر علي العقل وكفاءة الوظائف الجسدية وكذلك تعاطي الخمور. كان لي صديقة بالمناسبة قتلها مخمور بسيارته وفي الغرب أيضا القانون يعتبر القيادة بعد الإسراف في الخمر من الانتهاكات التي تعرض أمن الناس للخطر. ليس هناك تحريض هنا لكن يمكنني أن أمارس السفسطة وأقول لك أن التحريض بدأ من وجود محلات تبيع الخمور. فهل نعاقب شارب الخمر اذا صدم أحدا بسيارته أم نعاقب بائع الخمر بصفته مشارك في الجريمة؟
التحريض تهمة سخيفة لأنها تفترض أن المحرِّض ساحر عليم وقدير يؤثر علي جميع الناس أو بعضهم، وتفترض أن المحرَّض شخص مسحور أو غبي بالفطرة وسينفذ ما يقرأه دون تفكير. أعتقد أنها تهمة فضفاضة يمكن أن تطول نصوصا كثيرة في القرآن والإنجيل وكثير من الكتب السياسية الخ.
كتب الإلحاد عندنا مثلا يمكن أن يقال عنها أنها تثير الفتنة وتفتن الناس عن دينهم، وكذلك مواد الدعارة فنقوم بتجريم تداولها وبيعها مثلا. وأنا مع حق كل مجتمع أن يحدد مفهومه عن السلام الاجتماعي والاستقرار لكن ألا تري أن التناقضات الغربية بلغت أوجها؟ فهم ينتقدون الحظر والمنع عندنا ثم يقومون هم بحظر ومنع بعض الأفكار عندهم؟ يعني أين المنطق السوي هنا؟ إذا كان لكل مجتمع حق في تحديد خطوط الأمن الحمراء لديه فلماذا ينشغل الغرب دوما بالتدخل لحماية نصر أبو زيد مثلا أو غيره. أنا أراه تناقضا يعكس علاقة القوي بالضعيف ليس أكثر من خلال بوابة الدفاع عن الحريات.
الحقيقة أنا شفت الاف الكتب والمواقع التي تهاجم المسيحية وغيرها التي تهاجم الاسلام أيضا سواء من مسيحيين أو غيرهم وهذا ما أدعو إليه: أن يكون هناك حرية في النشر والتفكير والتكفير أيضا لأنني أعتبر التكفير جزء من التفكير، لا نقيض له.
وعلي ذلك فأنا مع حق سمينة مالك في أن تقول أن الغرب كافر وأن تعبر عن رغبتها في الجهاد والشهادة، فإذا ما اعتدت علي أحد فليحاكمها القانون.
هي حتي لم تقم بتهديد شخص بعينه بل كتبت كلاما للتعبير عما بداخلها. وحتي هذا الكلام فيه احتمالات وتفسيرات. فمن منا يري الظلم الواقع علي اللبنانيين والفلسطينيين ولا يدعو الله أن ينصر المجاهدين؟؟ أنا عن نفسي أري الموضوع من جانب إسلامي باعتبار الاسلام يدفع الظلم ويرفض الاستكانة فأين المشكلة في التعبير عن ذلك؟
ألا تري أن محاكمة سمينة هي محاكمة للأفكار؟ عندها لا يمكن أن يدعي الغرب أن الحرية بلا سقف.
Posted by: Mukhtar | 13 November 2007
كلامك كويس يا أستاذ مختار و واضح انك متفتح بس أنا مش عايز أضيع وقتك ...أنا ملاحظ الأتى :
مافيش أكثر من حرية التحول الدينى – فى رأيى – لقياس الحرية يعنى البعض شايف أن أمريكا هى عدو الاسلام الأكبر ...طيب لية سايبة ناس تتحول للاسلام و ما بتجريش وراهم زى اللى بيحصل فى الدول الاسلامية
يعنى اللى مؤمن بالحرية لازم يسيب الباب مفتوح عكس الحرية فى مصر .
الغرب عنده حاجة اسمها دين ما عندهوش مسلم ومسيحى وهندوسى يعنى زى ما أنا قلت حماية سلمان رشدى تتساوى مع حماية دان براون
لو فيه واحد انجليزى مسيحى عمل نفس اللى عملته سمينة حايمر بنفس الاجراءات لأن عندهم بجد حقوق وواجبات ...الجلسات العرفية دى بتاعة الدول التعبانة اللى مافيهاش قانون و بتاعة القبائل علشان كده أكيد حاتلاقى محامين اجليز بيدافعوا عنها و يمكن كمان تطلع براءة وساعتها حاترفع قضية على الحكومة و تقبض تعويض لا أنا و لا أنت نحلم بيه !!!!
عمرك شفت فى أى مطار أجنبى ساعة التفتيش العسكرى بيقول طلعوا الجوازات علشان نفتش المسلمين و المسيحيين لأ ؟؟؟ سعادتك أنا شفت ناس أوروبيين ماسكين كمية حاجات بيرموها ساعة التفتيش و بيضربوا كف بكف ....ليه ؟؟؟ علشان فيه قوانين و لوائح ....للمرة التانية مافيش عرف .
أنا ابن عمتى بيشتغل دكتور فى انجلترا ...اسمه الرباعى مسيحى (مشكلة كبيرة فى مصر ) وعند تجديد الاقامة ...و ما بالك بالاقامة عمره ما تم تسهيل الاجراءات بسبب دينه بل هى صعبة بسبب جنسيته فى حين ان اى حد باكستانى- انجليزى زى الأخت سمينة بيقيم فى منتهى السهولة فى بريطانيا مع انه مسلم و كل يوم يلعن انجلترا و شعبها و بينتظر اليوم اللى تبقى فيه دولة مسلمة .... أكيد العسكرى اللى بيديه الاقامة عارف كدة لكنه مش بيعقد الاجراءات ...مرة تانية القانون مش العرف (الباسبور ماعليهوش دين ....عكس البطاقة )
سمعت عن واحدة قبطية اترفدت من كام شهر من عملها فى انجلترا بسبب ارتدائها الصليب ؟؟؟ هى حاليا رافعة قضية ...بتطلب أن تتساوى بالمحجبات
مرة تانية الغرب اللى بيحمى سلمان رشدى و نصر حامد أبو زيد هو اللى بيحمى أبو قتادة و أبو حفص المصرى و كتير كتير غيرهم من الاسلاميين اللى بيهاجموه.... لية ؟ لأن محكوم عليهم بالاعدام ...طيب دول من أعدائكم ياجماعة و مطلوبين فى مصر : الاجابة أنهم طالما تحاموا فى الغرب فلهم حق اللجؤ اللا اذا خالفوا القانين فى بلاد لجوئهم ....للمرة الأخيرة القانون مش العرف .
طيب أنا حاحط نفسى مكان سمينة و اية رأيك لو عبرت فى بيتين شعر عن حبى لرئيس و زراء اسرائيل مثلا مثلا ( هو انت شفتنى جبت الورقة والقلم ؟؟) و قلت فيه فعلا بيتين شعر و طالبته بالمزيد فى مسيرة السلام ....فكرك مصطفى بكرى حايعمل فى اية ؟؟؟ ده مباحث أمن الدولة حاتبقى تحت بيتنا على طول و ليلة أمى حاتبقى سودة و مش حايبقى لى أى حق لا فى رد ولا فى محاكمة ( العرف مش القانون ) شفت بقى سمينة عملت اية فى بلدها اللى اتولدت فيها ( أعتقد أنها ما زالت تشعر أنها ليست انجليزية وأن مجتمعها لا يستحق الخير ) أنا شخصيا ما أحبش أن كل ما أختلف مع واحد ألبسه قضية تخابر و أفضل أزعق و أجعر باسم الوطنية و العروبة ...المواضيع دى وصلتنا للنكسة و زى ما أنت قلت أن دى تهمة فضفاضة علشان كده ممكن سمينة تطلع براءة
صدقنى يا أخ مختار ..الغرب قوته تكمن فى عدله و ثقته فى نفسه يعنى حضرتك ممكن تقول الكلام ده للغربيين فى وشهم بس مافيش واحد مسيحى يقدر يقول حاجة موازية فى مصر.... خلاصة القول أكيد محاكمتها حاتبقى عادلة حسب القانون لأنك بتتكلم مع ناس مش محموقة على طول و صوتها عالى زى العرب ( يا راجل ده حتى الانجليز باردين!!! )
التعليق عندك ظريف و حضرتك شخصية جميلة
Posted by: nobody | 13 November 2007
تدوينة جميلة بس يخرب بيت ام الفاظك يا اخي خف شوية
علي فكرة انا معلق عند نوارة علي نفس الموضوع علشان كده مش حعلق عندك
هو حد قال ان مصر احسن من انجلترا في الحريات ؟؟؟؟؟؟؟؟؟؟
Posted by: bahry | 14 November 2007
بحري:
ما أنا متنرفز يا بحري عشان مش مقتنع بتهمة التحريض/ واللي نرفزني أكتر منطق الإدعاء كما ورد في المواقع الإخبارية، واللي يموتك بقي من الغيظ لما تقرأ القصيدتين الإرهابيتين اللي كتبتهم البنت.
دول كلهم ممكن ميجوش حاجة جنب الأخوة العرب والمسلمين المدافعين عن الإجراءات البوليسية البريطانية في حين إنهم مش منزعجين نهائيا لأي حاجة بتحصل في العراق من جانب بريطانيا باردو. معلش أنا أصلا مخنوق بقالي شهر وكل شوية بتلاقي حاجة تنرفز أكتر
Posted by: Mukhtar | 14 November 2007
انا كلامى السابق مبنى ان واحدة لقوا عندها احراز من نوعية كتاب تشغيل القاعدة و كيف تعمل سموم و جايبين اسم قصيدة كمثال اسمها كيف تقطع رأس يبقى اكيد شعرها منيل بستين نيلة و لازم نقراه الاول قبل ما نتضامن و لا نقول اى رأى
Posted by: GEMYHOoOD | 14 November 2007
مختار اولا خد راحتك في الشتيمة
:))
والله حاجة غريبة يعني انا لما اشوف خرا على وش واحد واقول له على وشك خرا ابقى انا اللي قليلة الادب؟
ثانيا
انت بتقول بطلوا جلد الذات
طيب ابطلها ازاي بام اللي بيعلقوا عندي - وعندك كمان - ويبرروا لحبس البت لمجرد ان طنط انجلترا هي اللي حابساها، معقول انجلترا تبقى غلطانة؟
يبقى نستاهل القباقيب تنزل على ام دماغنا وللا لا
حاجة وسخة فعلا
على فكرة
انا عارفة مين
nobody
ده بس مش ح اقول لك
:))
جيمي
يعني ح تفرق هي كاتبة ايه معاك في ايه يا جيمي
يعني عمرك ما قريت الالياذة والاوديسا اللي بيتكلموا عن تخزيق العنين؟
عمرك ما قريت شعر انجليزي ملحمي بيتكلم عن سلخ فروة الراس
اسمها ايه يا مختار اللي الملحمة الانجليزية اللي اخدناها في سنة اولى اللي مليانة دم وتخزيق عنين وسلخ
اللي هي اول ملحمة انجليزية؟ فيها حرف سي كده بس انا ناسياها
وعلى فكرة بقى اذا كان دي الطريقة اللي بيتقيم بيها الشعر يبقى الشعر الانجليزي كله يترمي في الزبالة وما يفضلش غير كولريدج وصاحبه البيضان ده اللي انا ناسية اسمه من كتر ما باكرهه
اسمه ايه يا مختار بتاع الرومانسية ابو دم تقيل ده
ههههههههههه
مش باقول لك بانسى كل حاجة
اهو
ييييييييي
جه على بالي ثانية وطار مشهور قوي زميل كولريدج واشترك معاه في كتاب عن نقد الشعر
وكان على طول يكتب كلام بيضان كده
المهم يعني ده الوحيد اللي كان بيكتب شعر مسالم
حتى شيكسبير كان دموي في شعره ومسرحياته
Posted by: نوارة | 15 November 2007
الاخ
no body
اللي انا عارفة هو مين وربنا حليم ستار مدام ما عندوش الشجاعة يعلن عن نفسه
حضرتك بتخلط الاوراق بينما انت عارف كويس موقفي انا شخصيا من كل التجاوزات اللي ضد المسيحيين في مصر واظن انك عارف موقف مختار ولو مش عارف لف شوية في مدونته
طيب كلام حضرتك ده عايز تقول من خلاله ايه؟ ان انجلترا ما تفرقش حاجة عن مصر؟
وللا عايز تتكلم زي بقى الاسلاميين اللي بيضايقوك ويقولوا: ايوة نضرب المسيحيين اللي هنا ما امريكا بتموت الناس في العراق؟
يعني سمينة المواطنة الانجليزية اللي اهلها اكيد سابوا باكستان وللا الهند بسبب سوء الاحوال وعدم توافر الحرية وهاجروا لدولة المفروض انها دولة قانون وحريات ذنبها ايه انها تدفع تمن التجاوزات اللي حضرتك بتقول عليها اللي بتحصل في مصر؟
هي مالها؟
هي مالها ان البهائيين مثلا مش بيتكتبوا في البطاقة او ان محمد حجازي بتجيله تهديدات بالقتل او ان اللي بيعوز يتنصر مش بيقدر يكتب كده في البطاقة؟
هي ذنبها ايه ان القانون العبادة الموحد ما اتمررش في مجلس الشعب؟ هي مالها ومال حادثة الكشح مثلا؟
هي ذنبها ايه ان مصر بتنزل كتب تفند العقيدة المسيحية ومش بتدي نفس الفرصة للمسيحيين اللي عايزين ينزلوا كتب يفندوا فيه العقيدة الاسلامية؟
هي مالها؟
لو عاجبها مصر كانت جات عاشت في مصر
المفروض انها بتنتمي لدولة مطلعة ميتين ابونا بام الديمقراطية وحرية التعبير
وحرية التعبير دي ثبت انهم بيحبوها لما تبقى على مزاجهم ولما واحد يستخدم مبدأ حرية التعبير في هدم ثوابتهم هم بيرفضوها وبيبقبضوا عليه
طيب سلمان رشدي بيهدم ثوابتنا احنا
لكن ثوابتنا احنا في داهية مش مهم تتهدم وللا تغور في داهية
لكن ثوابتهم هم مقدسة واللي يهوب ناحيتها يفشخوه
طيب اذا كان احمد زي الحاج احمد لزومه ايه السبعة مليون ونص اللي قتلوهم في افغانستان والعراق اذا كانوا زيهم زي اي نظام عربي؟
يعني حضرتك كل كلامك وشكواك اللي هي خارج سياق القضية دي مع احترامي لالامك كلها بتؤكد ان انجلترا بقت زي مصر
وهو ده بالظبط اللي احنا بنقوله
لما هم زي الحكومة المصرية يبقى ايه بقى؟
نعم؟
ايه الحرب على دين ام الارهاب لنشر دين ام الديمقراطية دي؟
اذا كانت الديمقراطية عندهم هي حرية التعبير فيما يناسبهم
وعدم السماح للتعبير فيما لا يناسبهم
طيب احنا بقى عندنا ما يناسبنا ومالا يناسبنا وكل واحد يدمقرط على الجنب اللي يريحه
Posted by: نوارة | 15 November 2007
حاجيب من الاخر عشان اختصر
انا عادة مابشتمش و مابحبش اسلوب الشتيمه بس انا شايف انكم واخدين راحتكم فانا كمان حاخد راحتي في الكلام
اي مسلم في دوله غربيه حايهدد بالعنف و التفجير حايطلع مايتيين امه و كس ام الديمقراطيه و حريه التعبير و حقوق الانسان
اللي عاوز يروح يفجر طياره او مطار يستحمل اللي يجراله و مايقعدش يعيط
هو كده و اللي عاجبه اهلا و سهلا و اللي مش عاجبه يشرب من البحر
و انا مسلم عايش في دين ام امريكا و لو شفت اي كلب عاوز يفجر الناس انا حاكون اول واحد يديله بالجزمه
و انا كده برضه باخدم الاسلام و ب أنقذ الالف مسلم اللي حايموتوا قصاده
بقينا مكروهين من ام الكرة الارضيه كلها بسبب الاساليب المعفنه بتاعه سمينه و ام سمينه
قصيدة شعر عن ازاي تقطع راس واحد دا يبقي اسمه ادب و لا قله ادب
كس ام الشعر اللي كده
اذا هي انسانه محترمه و شريفه
ايه اللي يخليها تجيب دليل المجاهدين في تحضير السموم و دليل مقاتلي القاعدة في تحضير القنابل
اي مسلم في بلد اجنبي يحترم قوانين البلد ده و اذا مش عاجبه حاجه ممكن يعترض او يرفع قضيه او يعمل مظاهره او يكتب في الصحافه . . حاجات كتير مش موجوده في بلادنا
و اذا كل ده ما نفعش . . ممكن قوي يسيب البلد اللي مش عاجباه و يروح بلد تانيه تناسب تفكيره زي افغانستان سابقا
كفايه تخلف بقي . . ارحمونا
Posted by: مسلم مهجر مابيحبش العبط | 15 November 2007
مسلم مهجر ما بيحبش العبط:
أنا لم أوجه لك شتيمة إطلاقا.أنت ليس لك إسم أصلا حتي أوجه لك من خلاله شتيمة. وأنت تنعتني بالتخلف في آخر تعليقك الذي لا يوجد به أي منطق للنقاش. وأتعجب أنك تخليت عن وقارك ورغبتك في النقاش كما أعلنتها عند نوارة
!!!
نحن مع حق كل مجتمع في تحديد الخطوط الحمراء لأمنه وسلامته، لكن ألا تري أن معظم العالم الغربي يتدخل في شئون الدول المستضعفة ليغير ثقافتها وقوانينها وثوابتها؟
كذلك نحن نريد أن يري الغرب أنه يحاسب البنت علي نيتها واقتناءها لكتاب بينما لم يوجه تهمة الارهاب للأنظمة الغربية التي تقتل مئات الآلاف فعلا.
يمكنك أيضا الاطلاع علي الموضوع التالي
http://unbrainwasher.blogspirit.com/archive/2007/11/15/samina-malik.html
إذا كان لديك منطق تناقشنا به فأهلا وسهلا
وإذا كانت شتيمة وصوت عال فقط فأهلا وسهلا أيضا
المدونة ترحب بكل مستنير وتقدمي وديمقراطي
تخيل إني بابتسم دلوقتي
في رعاية الله
Posted by: Mukhtar | 15 November 2007
الأخ مختار
انا لم انعتك بالتخلف . . الكلام ده كان موجه لناس تانيه
ثانيا انا ممنوع من التعليق عند نوارة عشان مختلف معاها في الرأي و ده مخالف لقواعد جبهه التعريص الشعبيه
ادي يا سيدي حريه الرأي اللي بعض المنافقين بيطالبوا بيها
انا اتخليت عن وقاري لأن كل ما أكلم واحد باحترام يرد عليا بشتيمه
هي دي بقت قواعد الحوار في مصر للأسف
من دلوقتي خلاص مافيش وقار
ثالثا انا موافقك ان الغرب ابن وسخه و بيكيل بمكيالين و عنصري
بس برضه الحل مش اننا ندبح و نفجر قنابل
الاسلوب ده بيضرنا اكتر ما بينفعنا
بالنسبه لموضوع سمينه ده موضوع سخيف
انا مش شايف انها شاعره و لا اديبه و هي نفسها عملت عبيطه في المحكمه
احتمال تكون فعلا عبيطه و بتكتب كلام هبل
و احتمال برضه انها ناويه علي نيه وسخه و عاوزه تفجر نفسها زي ما هي كاتبه بخط ايدها
طب اديني عقلك
احنا نعرف منين
انتا تقدر انك تضمنها شخصيا يعني؟
احنا عمالين لسانا نشف و احنا بنقول الاسلام دين السلام و الاخلاق و المحبه
و عمالين نحاول نفهم الناس اللي هنا ان المسلمين اتظلموا في فلسطين و العراق و افغانستان
تيجي واحده زي سمينه تقول لهم عاوزه ادبحكم و اقطعكم و افجركم
نرجع كلنا تاني مجرمين و ارهابيين و سفاحيين
و لذلك
كل الناس اللي بيحولوا ينشروا صوره حلوه عن الاسلام ما يقدروش يتضامنوا مع واحده عاوزه تفجر نفسها
Posted by: مسلم مهجر مابيحبش العبط | 15 November 2007
مسلم مهجر:
نوارة منعاك من التعليق؟ طيب لما أشوفها أو لما تجيلي هنا هيكون ليا معاه كلام تاني
:)
وأنا شخصيا باحب أسلوب نوارة الهجومي وأختلف معك في قولك أن مدونتها جبهة التعريص الشعبية، الأسلوب الهجومي علي الغرب محبب لدي في ظروف كهذه ومدونة نوارة ليست جبهة تحسيس شعبية تجلد بها الشرق وتترك الغرب.
الحل فعلا مش بالضرب والتفجير بس هي سمينة فجرت حاجة؟
معاها أدوات تفجير طيب؟
بلاش، هل معاها مخططات أو رسوم لمترو الأنفاق سرقتها من هيئة المساحة البريطانية لزرع ألغام؟
طيب هل تم ضبط متفجرات أو طائرة بركابها في درج مكتبها؟
الحقيقة أحراز القضية كانت عبارة عن شوية كلام، منهم كلام مكتوب علي ورقة بتعبر عن رغبتها في الاستشهاد والجهاد - خد بالك الاستشهاد مش التفجير. وشوية كلام علي موقع هاي فايف، وقصيدتين بتقول في واحدة نصائح لمن يريد قطع رأس المغفل، والأخري ليس لها وش من قفا انما فيها جملة ان عالم الكفار هيهتز
!!!!
فين الجريمة؟
بلاش ، مش أصلا الشعر عموما يعتبر حالة شعورية للكاتب أو قد يكون تقمص لحد تاني
dramatic persona
يعني أنا راجل بس أحيانا باكتب شعر علي لسان ست، أه بجد يعني أصل أنا كمان باكتب شعر إنجليزي
:)
فهل الشعر يتم تفسيره في أقسام البوليس أم في ندوات أدبية؟
وهل معني إني باتفرج علي أفلام سكس وشايلها علي اللاب توب بتاعي يبقي أنا باشجع علي البورنو؟
وهل معني إني محتفظ بكل أعمل ماركس في مكتبتي إني مؤيد لكلامه أو حتي بعضه؟
طيب أنا عندي الإنجيل في البيت بس أنا مسلم ومش مقتنع بالإنجيل نهائي.
وأنا دخلت علي موقع كريم وقرأت الخرا اللي كتبه فهل ده دليل اني ملحد وأنادي بتقويض دعائم الأسرة مثل فريدريك إنجلز؟
هو أي وثائق وكلمات وشرائط تتسمي أحراز للقضية وخلاص ولاّ لازم يكون لها ارتباط بيها؟
يعني لما يلاقو عندها مثلا يعني مثلا خطوات تدمير برج إيفل وأماكن وضع القنابل وطريقة الهروب وشيكات تحويل أموال من أسامة بن لادن يبقي نقدر نقول أحراز.
إنما لما واحد يكتب في ورقة أنا أتمني أموت شهيد
أو مثلا
يلعن دين أم بوش
أو مثلا
أنا نفسي أفجر الكرة الأرضية بعد ما أخلص حلة المحشي دي
هل دي مخططات إرهابية؟
القانون حتي مش منطبق عليها علي قد ما بافهم يعني، واذا انطبق عليها طيب ليه منطبقوش علي غيرها من اللي بيعملوا نفس التصرفات علي المواقع وبيحتفظوا بكتب خطييييييرة في بيوتهم؟
Posted by: Mukhtar | 15 November 2007
No body:
جزاك الله خيرا يا فندم ونتمني مزيد من التواصل.
------------------
جيمي:
أنا قرأت القصيدتين فعلا، وأنا متشكك طبعا كعادتي في نسب كتاب دليل القاعدة لبن لادن. ثم أن اقتناء الكتب لا يعد جريمة خصوصا في الغرب عموما –
---------------------------
نوارة:
طيب ما تقوليلي في ودني ... إنتي مكشوف عنك الحجاب ولا إيه؟
:)
انتي بتكرهي ويليام وردذورث ليه؟؟
عشان كان متعجرف مثلا وبيتنطط علي أخته الأصغر منه، ولا عشان هو الشاعر الرومانسي الوحيد اللي حقق شهرة في حياته وانتي متغاظة منه، ولا عشان كان منعزل في كوخ علي بحيرة هادية.
الشعر الرومانسي الإنجليزي جميل فعلا وكولريدج ووردذورث من شعرائي المفضلين لكن في باردو ناس كتير كتبت حاجات لطيفة خالص ومش من التيار الرومانسي، زي جون دن.
هو انتي تقصدي الشاعر تشوسر بتاع حرف السي؟
أنا ما قرأتش أي حاجة له نهائيا، واهتمامي بالشعر الإنجليزي تبتدي من القرن الخامس عشر، يعني قبل ساري والسير توماس وات. بس لو علي الخرا والعنصرية ودين أم الشرمطة الإنجليزي يبقي عندك سير ألفريد لورد تينسون والخرية التاني كيبلينج.
وبمناسبة موضوعنا عن اقتناء الكتب والتعرض للسجن فأنا باكره دين أم تينسون وكيبلينج وشايفهم أبضن من بعض خصوصا العرص التاني بس باردو محتفظ بأشعارهم عندي، وحتي كنت عملت تحليل لقصيدة يوليسيز بتاعة البقف الأولاني باعتبارها تنم عن عقيدة عنصرية بيضان زيهم كلهم
قلبتي عليا المواجع يا نوارة مانا كنت ساكت
:)
Posted by: Mukhtar | 15 November 2007
الأستاذ مختار
ارجو من سعادتك انك لا تتكلم مع نوارة بخصوصي و لا حاجه
الموضوع ده اتقفل خلاص و طبعا دي مدونتها و هي حره تنشر علي مزاجها
انا باحب اتواصل مع اخواتي المصريين و المدونات علي قفا من يشيل
بالناقص من جبهه اشاعه الكراهيه الشعبيه
: )
بالنسبه للست سمينه
انت واخد الموضوع انها كانت بتهزر و ان البنت ما عملتش حاجه و ده مجرد كلام و مفيش سلاح جريمه و انا معاك في كل الكلام الجميل ده
هما بقي مش متفقين مع حضرتك في النقظه دي
بالنسبه لهم . . دليل المجاهدين في تحضير السموم ده حرز
دليل مقاتلي تنظيم القاعدة ده حرز
ورقه بخط اليد انها عاوزه تستشهد ده حرز
و في ظل الظروف الأمنيه الحاليه
الاحراز دي مشكله و محكمه و قاضي و وجع دماغ
و في ظل ازمة الثقة بين المسلمين و المسيحيين
هما بقي مش مصدقين ان الكلام ده هزار
انا عن نفسي ماقدرش ادافع عن الست سمينه
لسبب بسيط
اني ماعرفش الست دي بتهزر و لا بتتكلم جد
Posted by: مسلم مهجر مابيحبش العبط | 15 November 2007
تقريباً هيا دى النهاية ، سوف نبدأ جميعنا واحدة بواحدة وتدريجياً فى أن الارهابيين كانو سابقين عصرهم وهما اللى كانو عارفين العدو من الحبيب من زمان فلما رفضو الغرب وقتلو السواح وفرضو دولة الغرب كأعداء مباشرين للاسلام والمسلمين كانو بيستشرفو المستقبل ولا ايه انا مش فاهم ، والله العظيم اللى بيحصل ده خطير جدا لانه هايحول الكتلة الكبيرة التى يتشكل منها عماد الاوطان الى ناس كفرت بما يسمونه الديمقراطية والمساواة وقيم التسامح بيننا وبين باقى الحضارات وآمنت بأنهم اعداء وقريباً يحين وقت النزال شاء من شاء وأبى من أبى بغض النظر عن آراء كبراء حكام الدول ومعرصيهم الاشاوس . ولا يمكن أنا اللى مش فاهم باعتبارى كبير بهايم العالم
Posted by: كبير بهايم العالم | 29 November 2007