« اليوم العالمي للبيئة | HomePage | جري الوحوش »
03 June 2008
الوحدة الوطنية بين الأشقياء والشعراء فى أمريكا
فى باردو حادث حصل فى أمريكا البلد، بيقولك في شوية عيال بتاع سبعاشر طماشر سنة كده دخلوا البيت اللي كان روبرت فروست الشاعر الأمريكي العظيم قعد فيه أديله عشرين صيف فى الهوا اللي يرد الروح يا ساكني مطروح بُلطية في بحركم، قبل ما يقابل رب كريم في 1963. المهم العيال السيس دول جابو بيرة وشربوا زي أجدعها سفنجة، واللي استفرغ بقي علي السجاد العجمي واللي طرطر هنا وهناك – كانت حفلة خرا باين عليها لأنهم بهدلوا العفش وكسروا كام كرسي في الكلوت وكسروا الشبابيك كمان.
المهم المحكمة حكمت عليهم أنهم ياخدو كام حصة عن الشعر بتاع الشاعر العظيم روبرت فروست كجزء من العقاب وقرص الودان. حاجة مدهشة القاضي الأمريكاوي ده.
------------------
المهم إن البيت الأبيض نفي أن يكون الحادث ذا بعد طائفي وأن الوحدة الوطنية في أمريكا متينة وزي الفل، وكمان كوندليزا رُز قالت إن النسيج الوطني في أمريكا يتكون من الشباب الخمورجي والشعراء وأن أي حادث عابر يحدث ليعكر صفو هذا العلاقة الجنسية المتينة لن يؤثر بتاتا البتة علي أطفال الزنا المولودين من هكذا علاقة.
---------------------
وعلى صعيد متصل منفصل مترابط ومتمازج ومفكك كتب أخانا رامز تدوينة بلغة سهلة ومنطق متماسك.
16:25 Posted in Articles | Permalink | Comments (1) | Email this | Tags: Poetry, Robert Frost
Comments
الشئ الجميل فى الموضوع العقاب شوف قد ايه رلقى وعلى مستوى الحدث فيه احكام كتير عند الناس دى بتعجبنى يعنى مثلا ناعومى كامبل لما ضربت الخدامه اتحكم عليها بالعمل فى العمل العام يعنى تنظف الشوارع والجناين شوفت الاحكام ادى الاحكام الى تعلم صحيح تهذيب واصلاح فعلا..
Posted by: عايزه اتطلق و | 01 August 2008