30 October 2008
نهي رشدي وأدولف هتلر
ولاد عمنا اليهود والصهاينة ومن شايعهم نجحوا في الغاء حلقة من برنامج عن الطبيخ لا مؤاخذة، في التلفزيون البلجيكي.
الحلقة كانت عن الطبق المفضل للزعيم النازي هتلر.
همه بقي كانو معترضين ليه، لأن مش المفروض الوحش الكاسر ده يتم تصويره بشكل يكون إنساني أو تمجيدي عشان هيأثر على الشباب الصغيرين.
وبيقولوا كمان إن البرنامج هيتكلم عن الطبق المفضل بس دون وضع هذه الصورة داخل السياق التاريخي الكامل لشخصية هتلر.
خالد دياب كتب في الجارديان وقال إن ده هبل، لأن ده في إهانة للشباب الصغير على اعتبار انهم أغبياء ومفيش عندهم أي ملكات نفدية.
بيقولك بقي ان الحلقة دي سببت الأذي والألم لذرية الضحايا بتوع الهولوكوست.
المهم ان الطبق المفضل هو السالمون المقلي في السمنة.
-----------------
وبترتيب قدري كده، المصري اليوم نشرت تكملة لموضوع نهي رشدي وقالوا انها من عرب اسرائيل... والمحامية بتاعتها رفعت قضية استئناف لصالح الشاب اللي اتحكم عليه.
-----------------
الغرب خايف يأنسن هتلر من خلال برنامج طبيخ
وفي ناس حواليا خايفة ان البت الاسرائيلية نهي رشدي يتم أنسنتها باردو.
ونعم الإنسانانات – على رأي عم أيوب الجهوارجي
15:13 Posted in Media | Permalink | Comments (18) | Email this