18 February 2009
في المسألة التدوينية: طائفة الروافض ضد الشروق
الهزل في مقام الجد قد يكون علامة على السفه، أو الغباء أو انعدام النزاهة – أو كل هذه الرذائل مجتمعة.
----------------------------
في صفحة القراء نشرت جريدة الشروق منذ يومين ما يلي:
شارك برأيك
أعرب بعض أصحاب المدونات عن رفضهم أن ننشر مقتطفات من مدوناتهم، بينما أبدي آخرون ترحيبهم بما ننشره، نرجو من القرّاء الأعزاء موافاتنا بآرائهم في هذه المسألة.
----------------
فهذا الكلام لا يستحق وقفة طويلة إذ أنه طافح بالهزل في مقام الجد مما يحيلنا سريعا إلى الرذائل سالفة الذكر دون مجهود كبير.
فالعبارة اللولبية توحي بكل سهولة أن الخلاف العظيم بين بعض المدونين والجريدة ليس في الحقيقة بين هذين الطرفين فقط، إذ يظهر لنا فجأة طرف ثالث مُطالب بإبداء رأيه في واقعة مص دماء اقترفتها الفئة الباغية في حق الفئة التي يُعتقد أن حيطتها مايلة ومالهاش ضهر، فاستوجب الأمر – حسب الرؤية الداروينية– أن يُضرب المدونون على بطونهم.
والأمر أشبه بعمل استفتاء في صحيفة أمريكية يسأل الأمريكان عن رأيهم في اعتراض بعض الفلسطينيين أو جميعهم على السياسات الإسرائيلية في بلدهم المحتل ورفضهم للقمع الذي يمارسه جيش الاحتلال. فتقول الجريدة الأمريكية لقرائها الأعزاء:
شارك برأيك لأن خبز أمريكا وزبدها الحرية: (ولا مانع من وضع صورة لتمثال الحرية أو حتي صورة مارلين مونرو كخلفية مائية للنص وتذييل النص بعبارة: فليبارك الله أمريكا):
أعرب بعض الفلسطينيين عن رفضهم أن يعيش الإسرائيليون معهم بينما أبدي آخرون ترحيبهم، فنرجو من القراء الأعزاء موافاتنا بآرائهم في المسألة الفلسطينية.
وهكذا يُقدَّم النص اللولبي دون أي خلفية ودون أي إيضاح لحجج الرافضين ولا حتي حجج المرحّبين، بالإضافة إلي الكارثة الكبري وهي إقحام القارئ فيما ليس له به شأن، وكأن نتيجة الاستفتاء مثلا ستصبح ملزمة لجميع الأطراف: الرافضين والراغبين والجريدة والقرّاء وبائع السندويتشات الذي سيستهلك الجريدة فيما بعد وقطعا من سيبتاع السندويتشات ويقرأ الجريدة بعد مرور سنة، باعتبار أننا نعيش أزهي عصور الحرية والديمقراطية حيث يحق لمن يشتري جريدة الشروق أو يقرأها أن يبدي رأيه في المسألة التدوينية. (آه مش بيدفع جنيه مصري واحد ثمنا للجريدة؟) والمثل يقول: اطبخي يا شروق، كلّف يا قارئ.
الغريب أنني لم أقع على تدوينة واحدة أقرأ فيها رأي الأخوة المدونين الراغبين المرحّبين بما تفعله الشروق (ولست ألومهم بالقطع على ترحيبهم إن رحّبوا). فإذا كان الأمر كذلك، أي توجد فئة رافضة وفئة مرحّبة، فلماذا تقحم الجريدة القارئ في أمر ليس له فيه ناقة ولا بعير؟ لماذا لا تكتفي الجريدة باقتباس أو اقتطاف أجزاء من المرحّبين وتترك الرافضين والمناوئين ينعمون بعالمهم الفضائي وحدهم؟ وإذا كان الرافضون – أو لعلهم سيسموننا طائفة الروافض – يرفضون التنازل عن حقوقهم فما معني مطالبة القراء الأعزاء بإبداء رأيهم؟
المثير للضحك في هذا النص أن الجريدة التي اجتهدت في سرقة التدوينات من الجميع ونشرتها لم تنشر أي نقد موجه من فئة الروافض لهذا السلوك في الوقت الذي تسعي فيه الجريدة جاهدة في طلب رأي القراء الأعزاء. وكأن – مثلا – طائفة الروافض لم تتفوه بكلمة غير "مالناش دعوة إحنا روافض"، وكأن مدوناتنا خالية من سرد حجج توضح رأينا للأذكياء والأغبياء. يبدو أن على فئة الروافض أن تراعي في سرد الحجج التالية أن يكون الخطاب ملائما لذوات الأربع أيضا حتي نضمن وصول جدالنا لكل الخلائق، المنصوبة ظهورهم والمحنية رقابهم، فمن يدري ربما تشرع الجريدة غدا أو بعد غد في طلب رأي الحمير بشأن المسألة التدوينية.
--------------
ويوحي هذا النص بأن فئة الروافض منكرة للنعمة التي أسبغتها عليهم جريدة الشروق إذ من يتخيل أن تتاح لكاتب فضائي فرصة الدخول إلى كوكب الأرض – وعبر أي بوابة؟ بوابة الشروق بجلال قدرها – ثم يستنكف ويولّي مستكبرا؟ فمَثل المدون في هذه الحالة كمثل الشيطان إذ قيل له اسجد لصنم المؤسسة فأبي واستكبر وكان من الفوضويين.
--------------
يذكرني هذا النص المهلهل بل وحجج المناوئين للروافض بحلقة لطيفة جدا من الجزء الثاني من كرتون الأطفال "نودي" في نسخته العربية، وتحديدا الحلقة المذاعة على قناة سبيس تون بتاريخ 4 فبراير هذا العام، إذ يقول الشرطي للشريرين اللذين اعتادا سرقة الحلوي والمثلجات من الناس "غير مسموح لكما أن تطأ أقدامكما أرض هذه البلدة. أخرجا إلى منطقة الظلام".
وبينما يرقد اللصان على الأرض في منطقة الظلام يقول أحدهما للآخر "لو أن لنا حصانا نمتطيه لأمكننا دخول البلدة دون أن تطأ أقدامنا الأرض!".
وكذا تفعل جريدة الشروق فبما أن بعض المدونات لا تكتب عبارة "ممنوع النقل واعادة النشر" فإنه بإمكان الجريدة أن تشتري حصانا لتطأ الفضاء التدويني بحوافره.
حجّتكم داحضة عند الروافض.
-----------------
"سيمنحكم كل شئ ذلك الصنم الجديد إن أنتم عبدتموه: هكذا يبتاع بريق فضيلتكم ونظرة أعينكم الفخورة". – فريدريك نيتشة/ هكذا تكلم زرادشت
14:06 Posted in رخامة | Permalink | Comments (39) | Trackbacks (0) | Email this
Trackbacks
The URL to Trackback this post is: http://unbrainwasher.blogspirit.com/trackback/1712523
Comments
الغريبه أن الضيف السمج الذى يهبط على المدوّنات لينتقى منها ما يشاء ليسوّد بها صفحات صحيفته الغرّاء لم يكن لديه نفس البجاحه و الصفاقه لنقل أى تدوينه تقيّم الجريده أو تنتقد موقفها اللصوصى من السطو على مدوّنات يرفض أصحابها ما تتفضّل به جريدة الشروخ عليهم !! ديمقراطيه ديمقراطيه يعنى !! آل يعنى الموقف الآن يعتمد على آراء القرّاء الذين لا ناقة لهم ولا جمل فى الموضوع و كأن استفتاء مجلس الشعب على أمر غير دستورى و الخروج بالكلمه السافله "موافقه" يسبغ على الأمر شرعيه ما !! حاجه تقرف
Posted by: زمان الوصل | 18 February 2009
فعلا تسطيح سخيف جدا.
الموضوع مش إما ينشروا أو لأ..قلنا ستين مرة أنها مش مسألة قومية نتناقش فيها جماعيا و نصل لقرار فقهي بجواز النقل من عدمه!! إيه الغباء دا!!
لو حد فيهم بيعرف يقرا كان فهم أن المجال مفتوح للنشر، إما بطريق التفاوض مع الكاتب لو هو محتفظ بحقوق الطبع (و هو الوضع المبدئي لأي مصنف منشور)، أو في حدود الرخصة المنشور بها أو إن نوه بسماحه بالنشر (و حسب شروطه المبينة على موقعه)
و في النهاية، أيا كانت نتيجة المشاركة، ممكن جدا يقول لك "الشعب اختار..قفلنا الصفحة" أو "ظهر الحق..سنواصل النشر و له كره الكارهون".. و ساعتها كمان ممكن - و من منطلق أن الحق قد ظهر - يتجاهلوا أي نقاط ثانية مهمة في النقاشات زي وجوب ذكر اسم المدون و الرابط الصحيح و ليس العام للتدوينة المنشورة.
إن كانوا مهتمين و متافعلين مع النقد مثلما هو بادي، فممكن يعملوا موضوع صحفي عن الجدال ضمن صفحاتهم عن الإنترنت، تحقيق يعني يتصلوا بناس يسألوهم عن رأيهم.
و كما زي ما بتقولوا ينشروا "مقتطفات" من الحجج التي سيقت في النقاش عن الموضوع. هي مش نشرت في مدونات برضو؟
Posted by: ألِف | 18 February 2009
تفتكر ممكن يصيعوا ويقولوا القراء وافقوا ا علي نشر المدونات زي ما اليهود وافقوا علي اخد فلسطين من اصحابها ويواصلوا النشر بعد ما تكون نتيجة الاستفتاء 99,999!!ا
طبعا من غير ما انسي اقولك الله ينور
:))
Posted by: بنت القمر | 18 February 2009
من ناحية ثانية المقارنة بقضية "فلسطين و بالصهاينة"، أو بال "باعوا القضية و قبضوا" و الكلام دا هو تهويل سخيف جدا برضو.ا
Posted by: ألِف | 18 February 2009
الله ينور عليك يامختار على هذه التدوينة
يبدو ان الحرامي بتاع الشروق مصر انه يدخل في معركة خاسرة
يعني تصور مثلا لو لقيناهم توصلوا لنتيجة ان القراء الاعزاء الممجدون لفضل الشروق على البشرية وافقوا وايدوا وبايعوا وهللوا للنشر المزعوم ولو كره الرافضون وبصينا لقينا بقى الحملة المضادة من الشروق ضد رافضي النعمة اللى مش حاسين بالأملة اللى هم فيها
افضي ايدي واجي ارد تاني واعمل تدوينة للمسخرة دي
توكلنا على الله
Posted by: Bella | 18 February 2009
على فكرة يامختار انا شايفة ان ده تصعيد من جانبهم
يعني الحرب لم تنته ويبدو أنهم يريدون الدخول في جولة جديدة من السرقة والتدليس
سنرى
Posted by: Bella | 18 February 2009
الف
أعتقد اننا متفقين و خاصة مع التوضيح اللى كتبته هنا و التعليق الأخير فى التدوينة السابقة
و ان كنت انت شرحت وجهة النظر أفضل منى
شكراً
==
مختار
انا قلتلك فى التعليقات على التدوينة اللى فاتت
بكرة كلامك حتلاقيه مكتوب بأسم واحد تانى
طبعاً متوقع انه يفبرك الرد أن القراء بيطالبوا بعودة المدونات علشان ما يموتوش
لأن التدوين بقى فى دمهم
و يتم إباحة و إستباحة المدونات
و سلم لى على أدباء التدوين و مثقفين التدوين و مفكرى التدوين
Posted by: عباس العبد | 18 February 2009
هانقل ليكم حاجة تعرفكوا المقام الرفيع للمدونيين
يوم الاثنين الجرنال اللى باشتغل فيه سهران ... طرحت مبتسما ان احد المدونيين اعلن الحرب على الشروق بسبب مساحة المدونات المنشورة
دائئما ما اطرح الافكار و متوقع رد الفعل ... جاء العكس
الصحفيين قالوا دى نفسنة من العيال المدونيين ... بالمناسبة دة لقب بيديهولكوا أى صحفى حتى لو كان بشخة
هاجموا فقلت ان فى كتير كتابات للمدونين اعلى مستوى مهنى و ثقافى من الىل بيكتبها الصحفيين ... اترد انه قليل و الباقى تافهين
و فى الاول فى الاخر شوية عيال
دة المفروض كلام جرنال تانى خالص ردا اننا بنهاجم جرنال المفروض انه طالع جديد و هاينافس
انتوا كلكوا عيال ... و اللى مش عايز يبقى عيل يروح يتقاول مع الشروق تنشرله كتاب
ياخد بيه صك الغفران الورقى .. اللى بيتحول فى الاخر يا اما غذاء للمعيز يا اداة رائعة فى مسح الزجاج
Posted by: GEMYHOoOD | 18 February 2009
مش عارفة اقول لك ايه ياجيمي ياخويا بس
كلام الع
ولا بلاش
كلام الاساتذة الصحفيين النقيلة او في قول ىخر لصوص التدوين وغيرهم ممن يلفون لفهم يذكرني بكلام مناضلي الميكروفونات في البرامج الحوارية اياها عندما يفاجأهم مقدم البرنامج بنتيجة التصويت التي تأتي لغير صالحهم فتجد تصريحات تشكك في النتائج على شاكلة ان نتائج التصويت لايعتد بها ويمكن التلاعب بها وان الشارع العربي غير ناضج سياسيا وغير مثقف تقنيا وباقي هذه الترهات
ههههههههه
المصيبة ان هناك صحفيين طفيليين محسوبين على مهنة الصحافة بالزور ويقتاتون على جهد غيرهم وفي نفس الوقت يكون عندهم الجرأة والبجاحة لاطلاق تصنيفات من عينة ان المدونين دول عيال تافهة وماشابه رغم أن هناك من المدونين من يمتلك أدواته ويكتب أفضل من بعض عتاولة الصحافة .
تصور لو توقف المدونون عن التدوين وتم قفل محبس التدوين من اين يعيش هؤلاء اللصوص؟؟
Posted by: Bella | 19 February 2009
جيمى
بالنسبة لموضوع مسح الزجاج فصعب شوية لأن حجم الكتاب اللى بتطبعه الشروق من القطع الصغير فمايفدش قوى فى المسح لأن حجم الورقة صغير .. حتى الصفحة اللى بتنشر للمدونين فى الجريدة فمش صفحة كاملة دى تلت صفحة .. و بالتالى حجم الورقة برضه صغيرة و ده مايفدش برضه فى المسح .. انما اللى كان ينفع جامد موت و انا عندى الأعداد دى , الصفحة الكاملة اللى كانت بتنشرها الدستور الأسبوعى و كان بيحررها " انا اخوان " عبد المنعم محمود .. فدى كانت صفحة جرنال كاملة و تنفع افضل فى مسح الزجاج .. مش عارف تفتكر الصفحة دى و لا لأ ؟
---
Posted by: عباس العبد | 19 February 2009
جيمى
لو عايز الحق .. اللى بوظ نافوخنا احنا " شوية العيال المدونين " هى عملية النشر اللى اتبنتها الدستور و صوت الأمة من اول الخطاب اللى اتنشر لمحمد الشرقاوى و هو فى القسم .. مروراً بالبروباجندا الأعلامية للبعض الأخر من المدونين ثم استغلال الهوجة من قبل الدستور و حركة المدونين الأخوان .. اللى نفخ الناس دى الأعلام و سخنها و قداها حجم أكبر من حجمها الحقيقى و قيمة اقل من قيمتها الحقيقة .. كبر الحجم جداً و صغروا القيمة جداً .. كبروا الحجم كتصفية حسابات مع الحكومة و ادوا للتدوين صبغة المعارضة و هو مش حركة معارضة و قللوا القيمة جداً لما نشروا كتابات دمها خفيف كتعبير عن التدوين .
مع أحترامى للجميع و بدون زعل
لا التدوين حركة سياسية معارضة ضد الحكومة لها أباء مؤسسين و لازم الناس تخاف منهم و تحترمهم و أن التدوين باظ بعد ما دخله كل من هب و دب زى ما كتب بيسو قبل كده
و لا التدوين ناس دمها خفيف بتبيع 17 طبعة من كتاب جميل لكنه مش جوهرى و هو مش التدوين و لا يعبر غير عن كاتبه
لا التدوين مدونات مصرية للجيب و لا اللى كانت بتنشره الدستور و لا اللى بتنشره الشروق دلوقتى
و لا أنت و لا انا و لا مختار بنعبر عن التدوين و لا نصلح كنماذج له لأن التدوين مش حركة لها ممثلين و واجهة اعلامية و مفكرين .. التدوين مجرد كتابة بتعبر عن صاحبها .. صحيح بنشترك فى الحقوق كأى مواطنين .. لكن مش معنى ان فلان عايز ينشر و يكسب و ده حقه .. ان الباقيين كلهم عايزين ينشروا و يشتهروا
سيبوا الناس فى حالها .. متحاسبوناش على رغبات ناس تانيين
سيبوا الناس فى حالها
لا أحنا شوية عيال .. و لا احنا ادباء و مفكرين و نشطاء سياسيين
محدش لو سمحتم يتكلم عن لسانا .. احنا مش جبهة علشان يبقى ليها متكلم
--
ملحوظة على جنب :
فى احدى حفلات التوقيع اتقال قدامى ما نصه من مدونين : ليه فلان و فلان و فلان بيتكلموا و يطلعوا فى العاشرة مساءاً و الجزيرة و العربية و الحرة و انا لأ .. ما هو انا مدون برضه و بكتب أحسن منهم ؟ .. انا أديب .. انا مشهور .. الدستور نشرتلى و حيصدرلى كتاب قريب
Posted by: عباس العبد | 19 February 2009
هع هع هع
انا مالى يا عم لو كان عليا انت عارف رأيى فى الموضوع دة اصلا
و كاتب عنه قبل كدة
Posted by: GEMYHOoOD | 19 February 2009
اي حد ها يشتمني ها اشتمه اي حد ها يقول علي او علي كلامي سخيف ها اقوله انت اللي سخيف وقليل الادب
اللي عاوز يتناقش بالزوق اهلا واللي مش عاوز يخرس وما يعلقش علي كلامي
وقد لزم التنويه وشكرا
Posted by: بنت القمر | 19 February 2009
هى الفكرة ان الدستور كانت أرحم فى عرضها المدونات من الشروق
و كالمعتاد الجريدة حتقفل الباب بعد كثرة الشكاوى
Posted by: محمد | 19 February 2009
السلام عليكم ورحمة الله وبركاته
يا جماعه مش ملاحظين ان الحمله بدأت تجيب نتيجه الشروق مانشرتش امبارح ولا اول ( 17 و 18 فبراير ) مقطتفات من المدونات ونشرة مكانها باب مشاركات القراء
تقريبا القراء قالوا رايهم انه عيب اوي السرقات اللي انتوا بتعملوها وكفايه كدا بقي
:))
Posted by: خمسة فضفضة | 19 February 2009
يا بنت القمر، أنت غالبا تقصديني بتعليقك الأخير لأني ال علقت بعدك.
ما تزعليش يا بنت القمر، أنا مش قصدي إهانة.. و لما كتبت تعليقي ماكنتش مهتم من ال كتبه...فهمتِ؟
من ناحية ثانية من حقي أقول على أي كلام كاتبه أي حد أنه سخيف، زي ما حق أي حد يقول على أي كلام أنا قلته أنه سخيف، و من غير قمص و لا زعل.
سلام،
Posted by: ألِف | 20 February 2009
الف
========
يمكن تعليقك جه في وقت انا مستنزفة في من الحديث في كذا مكان عن نفس الصراع
عشان كده خلقي ضيق ومش في حاله تسمح بتقبل....اي استفزاز
انا لما قلت في اشارة خفيفة لنقطة اليهود وفلسطين اي اعطي من لا يملك من لا يستحق مش بقصد نهائيا واكيد ده واضح ان تدويناتي باهمية قضية فلسطين ده شيئ مفروغ منه
مجرد ان الجردة لا تملك انها تستفي غير اصحاب شأن في شأن لا يخصهم
وده في كلامي لا يحتمل اي سخف وبالتالي اعتبرتها استفزاز غير مقبول وبالامارة قلت 99,99 يعني بسخر اصلا من فكرة الاستفتاء
ثانيا انا اخر من يهتم ويرغب بالدخول في معارك مع الاخرين وعادة ما يلوم علي الاخرين صبري وطول بالي...... فقط اندهشت نظرا الي عدم وجود سابق عشم ولا معرفة تسمح لي ان اتقبل تعليقك
عموما أنا اللي بعتذر ليك ولنفسي اني انسقت وراء غضبي
وأشكر اهتمامك ودمت بكل ود
تحياتي
Posted by: بنت القمر | 20 February 2009
معلش يا مختار رد متأخر شوية لاني مش بتابع للاسف والكلام بقى كتير قوي
النقاش على اكتر من مدونة بعد موضوع الشروق بقى ليه اتجاهين
حقوق النشر ما بين الشروق والدستور وغيرها
والنقاش في النشر وتحويل المحتوى الالكتروني لمحتوى ورقي في الاساس
اتفق معاك تماما لان ما تفعله الشروق استعباط رسمي لانه بعيدا عن القوانين وامكانية الملاحقة القانونية بسبب النشر فان اخلاقيات المهنة اللي المفروض بتحكم الصحف وخاصة اصدار عن مؤسسة ضخمة زي الشروق تقضي باستئذان صاحب اي محتوى قبل النشر والاتفاق معاه على ما سيتم نشره سواء كان المحتوى جيد ام تافه
فلو قمت بكتابة كلام فارغ تماما وقررت الشروق نشره لازم تستأذني فيما سيتم نشره
ده امر مفروغ منه
ولا علاقة ليه بمستوى المحتوى ايا كان
اللي استفزني في النقاش والتعليقات هو الكلام عن النشر الورقي وتحويل المحتوى لان الكلام فيه تناقضات كتير مستفزة
في البداية انا مش مع النشر الورقي في المطلق كده ومش فارقة معايا ولا اعتقد ان ما اكتبه اصلا يصلح للنشر الورقي ولا اريد نشره من الاساس
او قل اني غير مهتمة بنشره ...
لكن اكيد هكون متضايقة قوي لو حد نشر لي بدون اذني
المهم بعض معلقيك هنا وفي التدوينة السابقة شاب كلامهم بعض التناقض
ان كان رأيهم هو ان محدش ليه دعوة بحد وكل واحد يعمل اللي هو عايزه
يبقى ليه انتقاد الناس اللي بتختار النشر الورقي لما كل واحد حر في المحتوى اللي بيكتبه
يعني لما ييجي معلق افتكر رامز يقول ان التدوين كتابة بتعبر عن راي صاحبها وهو حر وسيبوا الناس في حالها كل واحد حر فيما يكتب سوا كان كتابة قيمة ولا هبل
وبعدين يرجع يلوم اللي بينشروا او انهم باعوا ولا باعوش
واحنا مالنا
ده تناقض في رايي
من حق اي حد يعبي اي كلام في اي ورق ويبيعه واللي هيشتري دي مشكلته
شرط انه لا يكتب باسمي ولا على لساني ولا نائبا عني وبعد كده كل واحد حر
ان شاء الله يبيع كلامه في الامم المتحدة ومدونته تتقلب معهد دراسات دولي للحريات وياخد 10 مليون دولار منحة سنوية
وانا ماليييييييييي
كمان كلام جيمي كان غريب برضه
انا اتفق معاه في نقطة واحدة انه يجب الاشارة في اي كتاب ينشر عن مدونة
ان محتوى هذا الكتاب سبق نشره على الانترنت
وده للامانة العلمية
ولو احنا في بلد تانية كان يبقى من حق اي قارئ انه يقاضي دار النشر اذا لم تشير لهذه المعلومة
انا معرفش كتاب غادة ولا مدونات مصرية للجيب او غيرهم تمت فيه الاشارة للمعلومة دي ولا لا لاني ماشتريتهمش لاني عارفة ان المحتوى متوفر على الانترنت
بس سمعت مثلا من اكتر من حد اشترى الكتاب انه رغم معرفته بتوفر المحتوى مجانا الا ان فيه ناس بتحب تحتفظ بالورق
من حق اي حد يقول انه مدون اديب عظيم وانه اشهر مدون في ميت غمر
هو حر ينشر ويبيع
طالما ده المحتوى الخاص بيه
دور النشر بتسترزق من الموضة الجديدة
وده بيزنس مالوش علاقة باي حاجة
اللي عايز يستفيد يتفضل مش عيب
وراينا الشخصي في النشر ده حاجة تانية
Posted by: blue | 22 February 2009
http://al-araby.com/docs/1144/journalists/article2142180058.html
طلعت جريدة العربي بتعمل كده كمان و لقيت اسم محمود عزت منشور له كمان !!! انا محدش استأذني انه ينشر تدوينتي
Posted by: Karakib | 22 February 2009
معذرة لعدم الرد بسبب ضيق الوقت وتشعب الموضوعات بما يتجاوز قدرتي على التركيز لكن ردي إلي هاني:
أنا شخصيا لو حد أخد من مدونتي حاجة هاسلخه سلخ الشاة بعد ذبحها بسكينة تلمة.
توكل على الله وابدأ السلخ، مباركة يدك التي فيها السكين وعليك طمأنينة الجزارين.
Posted by: Mukhtar | 22 February 2009
تعديل بسيط في لينك المدونة
خطأ مطبعي يقود لمدونة اخرى معلش
معلش يا مختار رد متأخر شوية لاني مش بتابع للاسف والكلام بقى كتير قوي
النقاش على اكتر من مدونة بعد موضوع الشروق بقى ليه اتجاهين
حقوق النشر ما بين الشروق والدستور وغيرها
والنقاش في النشر وتحويل المحتوى الالكتروني لمحتوى ورقي في الاساس
اتفق معاك تماما لان ما تفعله الشروق استعباط رسمي لانه بعيدا عن القوانين وامكانية الملاحقة القانونية بسبب النشر فان اخلاقيات المهنة اللي المفروض بتحكم الصحف وخاصة اصدار عن مؤسسة ضخمة زي الشروق تقضي باستئذان صاحب اي محتوى قبل النشر والاتفاق معاه على ما سيتم نشره سواء كان المحتوى جيد ام تافه
فلو قمت بكتابة كلام فارغ تماما وقررت الشروق نشره لازم تستأذني فيما سيتم نشره
ده امر مفروغ منه
ولا علاقة ليه بمستوى المحتوى ايا كان
اللي استفزني في النقاش والتعليقات هو الكلام عن النشر الورقي وتحويل المحتوى لان الكلام فيه تناقضات كتير مستفزة
في البداية انا مش مع النشر الورقي في المطلق كده ومش فارقة معايا ولا اعتقد ان ما اكتبه اصلا يصلح للنشر الورقي ولا اريد نشره من الاساس
او قل اني غير مهتمة بنشره ...
لكن اكيد هكون متضايقة قوي لو حد نشر لي بدون اذني
المهم بعض معلقيك هنا وفي التدوينة السابقة شاب كلامهم بعض التناقض
ان كان رأيهم هو ان محدش ليه دعوة بحد وكل واحد يعمل اللي هو عايزه
يبقى ليه انتقاد الناس اللي بتختار النشر الورقي لما كل واحد حر في المحتوى اللي بيكتبه
يعني لما ييجي معلق افتكر رامز يقول ان التدوين كتابة بتعبر عن راي صاحبها وهو حر وسيبوا الناس في حالها كل واحد حر فيما يكتب سوا كان كتابة قيمة ولا هبل
وبعدين يرجع يلوم اللي بينشروا او انهم باعوا ولا باعوش
واحنا مالنا
ده تناقض في رايي
من حق اي حد يعبي اي كلام في اي ورق ويبيعه واللي هيشتري دي مشكلته
شرط انه لا يكتب باسمي ولا على لساني ولا نائبا عني وبعد كده كل واحد حر
ان شاء الله يبيع كلامه في الامم المتحدة ومدونته تتقلب معهد دراسات دولي للحريات وياخد 10 مليون دولار منحة سنوية
وانا ماليييييييييي
كمان كلام جيمي كان غريب برضه
انا اتفق معاه في نقطة واحدة انه يجب الاشارة في اي كتاب ينشر عن مدونة
ان محتوى هذا الكتاب سبق نشره على الانترنت
وده للامانة العلمية
ولو احنا في بلد تانية كان يبقى من حق اي قارئ انه يقاضي دار النشر اذا لم تشير لهذه المعلومة
انا معرفش كتاب غادة ولا مدونات مصرية للجيب او غيرهم تمت فيه الاشارة للمعلومة دي ولا لا لاني ماشتريتهمش لاني عارفة ان المحتوى متوفر على الانترنت
بس سمعت مثلا من اكتر من حد اشترى الكتاب انه رغم معرفته بتوفر المحتوى مجانا الا ان فيه ناس بتحب تحتفظ بالورق
من حق اي حد يقول انه مدون اديب عظيم وانه اشهر مدون في ميت غمر
هو حر ينشر ويبيع
طالما ده المحتوى الخاص بيه
دور النشر بتسترزق من الموضة الجديدة
وده بيزنس مالوش علاقة باي حاجة
اللي عايز يستفيد يتفضل مش عيب
وراينا الشخصي في النشر ده حاجة تانية
Posted by: blue | 22 February 2009
Posted by: blue | 22 February 2009
أنا مش فاهم الموضوع فيه كلام ليه.
الجورنال بيقول إنه بتاع القانون و دولة المؤسسات، و قانون مصر بيقول إن أي مصنف فني (يعني أي محتوى على وب) حقوق نسخه محفوظة. الجورنال بيلم شغل ناس تانيين و بيبيعه و بيكسب فلوس.
المفروض مختار و بيللا و بقية الناس ال نشر لهم الجورنال يلموا فلوس من بعض و يريوكلوا محامي و هيكسبوا القضية طبعا و هياخدوا تعويض من المحكمة، و على سيرة القضية يجرسوا الجورنال. دي الطريقة الوحيدة ال الجورنال و باقي الإعلام هيفهم الموضوع و يتعلم يطلب الإذن من الناس و يلتزم بالاتفاق ال ييجي بعد الإذن، و هتبقى فرصة ألف و أنا نروج للرخص الحرة.
أي كلام تاني عن تغيير المحتوى المنشور أو نشر رابط للتدوينة يبقى من باب العشم و عتاب بين الأصحاب.
Posted by: عمرو غربية | 22 February 2009
والله ياعمرو احنا ماشيين معاهم خطوة بخطوة ومعنديش مانع لاي تصعيد تتفقوا عليه
التجريس شغال وسنصعد حملة التشهير والتجريس وستستمر المقاطعة ولامانع من خطوات تصعيدية اخرى خاصة بعد ان نظمت الجريدة استفتاء همايوني كده من عينة استفتاءات مجلس الشعب تحتكم فيه لراي القراء وكأن القراء رأيهم ملزم لنا
منتهي الوقاحة من الجريدة ومن اللصوص القائمين عليها
مش عارفة يعني مين الغبي اللى اقترح عليهم الاستفتاء الساذج ده
بس عموما هذا يوضح نيتهم ويُسقط عنهم اي ادعاء بأنهم حماة الثقافة وناشري المعرفة وباقي الترهات التي نسمعها وكل مافي الامر انهم شوية هليبة وعايزين يلموا فلوس على قفا الناس ببلاش كده
نطاعة وقلة ادب
Posted by: Bella | 22 February 2009
على فكرة يامحتار حسابك في الفيس بوك يبدو فيه مشكلة لان اسم مختفي من الجروب
شوف راسلهم واعرف ايه الحكاية
Posted by: Bella | 24 February 2009
لأ يا بيلا، أنا لغيت حسابي على فيس بوك وغالبا هالغي المدونة. بس بفكر لسة إيه المشاكل اللي ممكن تحصل لو أنا لغيتها، يعني مسألة ضياع الموضوعات اللي كتبتها هنا أو سرقتها إلخ.
أنا فعلا عندي حالة قرف من التدوين ونقاشاته العقيمة وده بيشغل تفكيري ويجهدني، في حين إني محتاج وقت طويل عشان أنجز الكتاب والقاموس.
Posted by: Mukhtar | 24 February 2009
هو انت قراراتك فجائية دايما كده
وبعدين ايه تلغي المدونة دي
اوعي
Posted by: Bella | 24 February 2009
خساره كبيره :( بس أحييك على جرأتك فى التفكير فى قرارات حاسمه بهذا الشكل !! عقبالى
Posted by: زمان الوصل | 24 February 2009
بيلا: زي ما قلتلك أنا بافكر وباشوف العواقب ممكن تكون إيه ، وحتي أصلا عندي بديل إني أشتري موقع وانقل فيه المحتوي، وأضطر آسفا إني أحدد هويتي بطريقة معكوسة : أنا مش مدون.
أاللي بيحصل حاليا مش نقاش وجدال ثري، ده ممكن يكون كده ف يالظاهر لكن باطنه فعلا مليان قرف وعقم وتقريبا الجميع يحارب الجميع والأكيد إن في ناس كتير مش بتقرأ حجج الآخرين وتفضل أنا تسارع بكتابة آرائها خوفا من أن ينفض المولد قبل ما ياخدو حمص.
-------------
زمان الوصل:
أنا شخصيا مش شايف إني هخسر غير نقاشات مثمرة هنا، لكن سأستعيض عنها بدوام التواصل خارج النت مع كل من كسبت صداقتهم خلال الأيام الفائتة وآخرين سأحاول الاتصال بهم.
هو حسم وحزم بس بيسبب وجع باردو يا زمان خوفا من فقد الاتصال ببعض الناس
Posted by: Mukhtar | 24 February 2009
مختار معلش احنا عرفناك من خلال التدوين ومش كل الناس ها تقدر تتابعك بعيد عن المدونه لو ها تشتري مساحه خاصه تنقل فيها المحتوي جميل جدا
لكن لا يبرر الغاء المدونه
لانك متعرفش يمكن تتراجع وتندك
كلنا من ساعه موضوع الشروق واعصابنا بايظه
والنقاشات وقعت كل الناس في كل الناس
معلش ازمه وها تعدي
--------------------------
انا مع اقتراح عمر برفع قضيه
لو اي حد قاهري شاف محامي شاكر انا ابعت له توكيل ونقسم مصاريف التقاضي علينا كلنا ونطلب
تعويض
دي ها تبقي فرصه ودن لجميع الجرايد التانيه
زي العربي الناصري والاسرة العربيه وغيرهم
ونبقي عملنا شيئ ايجابي بدل ما احنا بنتخانق مع بعض
دوروا علي محامي وانا معاكم
اوع تقفل المدونه
جرررررررررررر
Posted by: بنت القمر | 24 February 2009
عمرو غربية:
أنا بس كان إصراري على الهجوم من خلال المدونة تأكيدا لموقفي الرافض للوصاية والمن والتفضل الذي تمارسه باقي الوسائط الاعلامية وخصوصا كما كان واضحا في حالة الشروق.
أنا اعتبرت موقفي سياسي عشان أثبت أن المدون ند قوي لأي صحيفة: ند من ناحية إمتلاك الوسيط اللي من خلاله يقدر ينشر أي شئ ، ومن جهة تانية إني طبعا عندي ثقة في نفسي إني أقدر أدافع عن موقفي بكفاءة.
لذلك استبعدت الاتصال بأي جريدة أخري أو أي صحفي لإدارة المعركة على أرض الصحافة وفضّلت استكمالها على أرضي – مدونتي؛ تأكيدا لموقفي وإعلاء لشأن التدوين كممارسة أرقي من الصحافة التقليدية من وجهة نظري.
ولأن الشروق لم تنشر شيئا جديدا وتراجعت فقررت الوقوف عند هذا الحد ولم أفكر في تصعيد الأمر للقضاء. بصراحة سيستهلك هذا وقتا وجهدا أحتاجهما هذه الفترة بشدة.
Posted by: Mukhtar | 24 February 2009
بنت القمر:
هو كمان ممكن تحجيم الوصول للمدونة وحصرها على أفراد وده باردو هيكون مريح .
بالنسبة لموضوع القضية فأنا أفضل السكوت طالما الشروق بطلت تاخد حاجة من عندي. اختصارا للوقت والمجهود.. ومن جهة تانية أنا متخيل بمجرد ان الناس تتكلم عن وجود قضية ضد الشروق هيكون في معارك للصبح من إن اللي رفعوها غاوين شهرة فعشان كده بيناطحوا في كيان كبير... وتلاقي بقي العاشرة مساء تتصدي لهذا الموضوع الخطير وشوية جرايد ما هتصدق .
هو طبعا من الناحية البراجماتية ده ممكن يحقق الدعاء الشهير: اللهم أهلك الظالمين بالظالمين وأخرجنا من بينهم سالمين... لكن من ناحية تانية هيبقي وجع دماغ وأنا عايز أتفرغ شوية للبحث بتاعي والقاموس.
Posted by: Mukhtar | 24 February 2009
اوك لو ها تخلي المدونه للريدرز ده اقتراح معقول
فكرة اللجوء للقضاء ممكن فعلا تتحول لصخب اعلامي بس اعتقد زي قضيه تانيه اللي عاوز يهيص يقدر يهيص واللي عاوز يلتزم الصمت بقدر بردو يعمل ده بمعني ان سلوك المتقاضين في حال رفع القضيه هو اللي ها يخلي في صخب ويثبتانهم عاوزين شهرة او بيدوروا فعلا علي حقهم
= ما اخذه علي حالات التحرش مثلا ان واحده ترفع قضيه وهات يا لقاءات وتدوينات وجروبات فيس بوك وجمعيات مراة وحقوق إنسان في حين ان الامر فقط قضيه ومحامي وخلصت
وده اللي بيشككني حقيقه في صدق اي قضيه تحرش وكنت عاوزة اكتب عن الموضوع ده لانه مع الوقت ها يكون فيه مدعيات
نفس الفكرة قضيه القضيه
ممكن واحد يرفعها فعلا لانه مؤمن انه لازم يدافع عن كلمته
او يرفعها لانه غاوي شهرة
وده بيثبته تصرفاته اثناء التقاضي
انا مش مختلفه معاكم ابدا واحترم برضه ان كل واحد يوجه طاقته للي شايفه اهم
بس اعتقد ان الموضع سيستمر وسخبو شويه ثم يعود الي السطح بتدوينات مسروقه او منسوبة لغير اصحابها....إذا كانت الماجستير والدكتوراه الموثقين بتتسرق
وده طبعا لا يلغي احقيه اي شخص انه يرفع قضيه عن نفسه او متضامنا مع آخرين
تحياتي للجميع
Posted by: بنت القمر | 24 February 2009
سلام عليكم
يا شباب ايه رايكم في عرض الموضوع الخاص بصحافة المدونات
على برنامج اي تي شو اللى بيجي ع النيل الثقافية
اللى حابب انه يحضر الحلقة ويعرض وجهه نظره ياريت انه يبعت ميل يقول فيه انه مستعد
وفيه ايفينت خاص للموضوع ده كتبته في الجروب
وهو
http://www.facebook.com/groups.php?id=595635946&gv=12#/event.php?eid=133775600603
ياريت تشرفونا برايكم
ونتناقش مع بعض
ونعرض كافة وجهات النظر
وزي ما فيه صحافة مدونات لا تهتم بحقوق النشر
فيه صفحات اخرى تهتم
والحكم لكم في النهاية
سلااااااااااااااام
Posted by: اسماء رمضان | 24 February 2009
هذه هي أول مرة لي هنا و سعيد جدا بتناولكم لهذا الموضوع .. الغريب أن أصحاب الصحف المطبوعة يعلمو جيدا أن بضاعتهم ركنت على الرف من زمن طويل فان حاولت المقارنة بين انتشار جريدة أو مجلة مهما كان تخصصها و بين موقع أو مدونة لها نفس التخصص أعتقد أن النتيجة معلومة تماما .. فقد توقف دور أمثال هؤلاء على انتاج ورق لف الطعمية و حماية الطبلية و لا أكثر
Posted by: أطياف مصر | 27 February 2009
اوعى يا أستاذنا تلغى المدونة زى ما عملت فى حساب الفيس بوك فجأة
بجد هتبقى حركة بايخة جدا وخسارة كبيرة
بجد والله
Posted by: معاذ | 02 March 2009
مختار انا دايخ على ايميلك هنا ومالقيتهوش
ينفع تبعت لي رسالة على ايميلي عشان عايز استأذنك في حاجة؟ :)
Posted by: محمد حبيب | 29 March 2009
لي مدونة أظن انها تستحق القراءة وهي تتحدث عن محاولة تسميمي وقتلي من قبل السي آي أيه وبأوامر من الشاذ كلنتون بمشاركة فاعلة من الحمار حسني الخفيف والأجهزة الأمنية المصرية الخائرة والعميلة
المدونة
http://www.494949.blogsome.com
اسم المدونة
Dirty and fucked clinton
Posted by: مضر حلمي ةعبد الكريم الزعبي | 29 March 2009
زى ما المدون بينقل من الجورنال براحته ليه بقى انت زعلان لما جورنال ينقل منك؟
ثم مجرد انك تحط حاجه ع النت فاده تفويض رسمى منك للجميع باستخدامها او توقف واحد بتذاكر على باب المدونه
Posted by: محمد رجب | 31 March 2009
محمد رجب،
نقل الأخبار لا يدخل في مناقشات الملكية الفكرية، ال يدخل هو إعادة نشر كتاب أو مقالة رأي أو عمل إبداعي آخر زي ما مختار عمل على سبيل الرخامة [http://unbrainwasher.blogspirit.com/archive/2009/02/11/printing-culture.html]
ادعاؤك أن النشر على "الإنترنت تفويض رسمي بمشعارف إيه" فدا كلام غير صحيح بتاتا. ممكن نتناقش في كون النقل ممكن عمليا أو لأ و في مدى فعالية وسائل منع النسخ، سواء على اإنترنت أو أقراص ديفيدي أو البرمجيات المنسوخة، لكن مسألة كونه تصريح بالاستخدام فدا غير صحيح، و الحقيقة أن حسب القوانين الحالية فالعكس هو الصحيح. دا مش تعبير عن موقفي، دا إقرار وضع قائم.
الكلمة ال تقصدها هي "تصريح"..التفويض شيء مختلف.
Posted by: أحمد غربية | 14 May 2009
Post a comment