30 July 2009
الكارّو في الجيزة
الجيزة عملت حظر على سير العربيات الكارّو في شوارعها وقال السيد اللواء المحافظ أن الحظر سيطبق لما تمثله من مظهر غير حضاري لا يتناسب مع المكانة السياحية للمحافظة وما تحويه من مناطق أثرية وسياحية
ممكن نستنتج من كده إن الحظر سيتم تطبيقه بسبب الخرا اللي بتشخّه الحمير والبهايم في الشارع، لكن بالنسبة لعادم السيارات فهو لا يشكل أية مشكلة لسياحة محافظة الجيزة - لا هو ولا وجود شركة الشرقية للدخان هناك.
12:48 Posted in Myths and Mental Images | Permalink | Comments (8) | Trackbacks (0) | Email this | Tags: civilization
Trackbacks
The URL to Trackback this post is: http://unbrainwasher.blogspirit.com/trackback/1802767
Comments
ايه الغيبة الطويلة دي يا راجل
حمداً لله على سلامتك :)
Posted by: أبو حمزة | 30 July 2009
مظهر غير حضاري؟؟؟!!!
لو يروحوا مرة النمسا، ركوب الحنطور في شوارع فيينا اصبح معلم سياحي وبيدفعوا فيه 40 يورو تقريباً في الركوبة الواحدة
Posted by: ياسمين حميد | 31 July 2009
هم مش هيبطلوا حجة "سياحية" الخايبة دي!
أو يحددوا لنا المحافظات السياحية و المحافظات ال طز في أهاليها
و يا ترى قرى و أرياف الجيزة ينطبق عليها الكلام دا كمان
Posted by: ألف | 31 July 2009
مسخرة من مساخر المحافظين وتسلطهم على رقاب العباد
انا اكتر حاجة بتفرسني حكاية السياحة دي
Posted by: Bella | 31 July 2009
ههههههههه
تصدق صح
وممكن يمنعوا المدونه دي كمان
بحجه انها غير حضاريه
:)))))
وكم في مصر من المضحكات
Posted by: محمد مفيد | 01 August 2009
أبو حمزة@
سلّمك الله :) الدنيا تلاهي بقى
--------------
ياسمين@
هو لفظ "حضاري" ده شديد الاستفزاز ومحتاج يتفكّك تماما لأن تقريبا المقصود به بنسبة 100% هو الحضارة الغربية اللي الناس فيها مش بيسوقوا عربيات كارّو عشان مسألة السعي على الرزق. على أساس مثلا إن حنطور النمسا ده معمول كنوع من الفلكلور.
------------------
ألف@
التطبيق فعلا ممكن يكون فيه عبقرية لأن مثلا منطقة جزيرة الدهب فيها القرية الفرعونية ودي تابعة للجيزة، وفي عدد كبير من القرى طبعا. لكن أكيد همه يقصدو ميدان الجيزة وشارع الهرم وترعة المريوطية على أساس باردو فندق كتراكت والجذب السياحي العظيم إللي خلا المحافظة تظبط طريق المريوطية وتبني سور بارتفاع 3 متر على الترعة عشان رواد الفندق.
وعلى ذلك فمش محافظة الجيزة كلها هيشملها القرار العبقري، إنما مناطق الجذب السياحي والحضاري.
واللي عايز يبيع شوية جزر أو خيار أو بطيخ يبقى يبيع العربية والحمار ويتشري هيونداي ماتريكس وربنا بيرزق الجميع
Posted by: Mukhtar | 11 August 2009
بيلا@
ماهو القرار بينزل زي القضا، ومفيش أي تفكير في السؤال: هو الناس ليه بتمشي بالكارّو المسئ لسمعة مصر وحضارة الجيزة؟ وإيه اللي ممكن يعملوه لو لغينا الكارّو؟
كمان الحضارة هنا أصبحت مفهوم مضاد لنهيق الحمار وبرازه وشكل العربية أم عجلتين ورا والعربجي أبو جلابية ... أما الحضارة فتعني سيارات بأربعة عجلات وكمية تلوث خرافية وكلاكسات وكاسيت مزعج وسلوكيات قيادة تودّي في داهية.
براز الحمار ضد الحضارة إنما عادم السيارات شغّال وقشطة ومناسب للوضع الحضاري في الجيزة!!!
Posted by: Mukhtar | 11 August 2009
محمد@
لأ ما هي المدونة تابعة لمحافظة 6 أكتوبر مش الجيزة
:))))
Posted by: Mukhtar | 11 August 2009
Post a comment